اصحي يا عم وحيد.. عم وحيد حامد مُصر على النوم بـ"شخير" ومندمج.. يا عم السيناريست فوق كرسي مرسي انكسر.. مركب البلد مشيت.. الناس ف الشارع بترقص على بشرة خير وتسلم الأيادي، وبتغني للوطن بعد نجاح مؤتمر الشرم الاقتصادي.. وعم وحيد برضه مستمر ف وصلة نومه العميق والمميت.. وصف وحيد حامد "البلد" ف حواره مع البوابة بـ"الخرابة" والشعب بـ"الكسول" والشباب بـ"المغيب والتايه".. طب إزاي يا عم وحيد.. انزل من كوكبك.. اصحي.. راجع حكاوي القهاوي وكلام الجرايد بعد تلتين يونيو.. أقولك ادخل اقرب حمام شعبي يقابلك وخدلك دش.. ماكنش عليك وعلى أقرب موقف عربيات كارو وشدلك واحدة وعليك وقناة السويس الجديدة دوغرى وإديها غُطس.. أكيد أكيد هتفوق، مكانش ده ولا ده اتصل بأخونا سعد الصغير يسمعك كوبليه من طربه الشعبي الأصيل: "اصحي.. أه ..أه .. فوق .. أه .. أه .. النهارده سيسي يا جدعان.. راح الغم راح الإخوان".
