قالت الفنانة سلوى خطاب: “الراجل مش مطلوب منه حاجة غير شغله وياخد باله من بيته”، فيما علقت الإعلامية ياسمين عز: "الراجل مش لازم يعمل مجهود عشان يكون جميل هو جميل لوحده".
وأضافت "سلوى" في حوارها لبرنامج "كلام الناس" مع الإعلامية ياسمين عز، على فضائية "إم بي سي مصر" محذرة ياسمين عز، قائلة: “كفاية رومانسية والنبي وابقي فكريني لما تتجرجري من شعرك”، لترد الأخيرة،:" لا أنا لا أقبل ده عليا أو علي غيري".
وصدمت الفنانة سلوى خطاب الإعلامية ياسمين عز، قائلة: "ليا واحدة صاحبتي لها آراء عكس آرائك كده وطول اليوم المرأة وحقوق المرأة والكلام ده، قولتلها أنا مستنية أشوفك متجوزة عشان أشوفك متجرجرة من شعرك وفعلا حصل اتجوزت وأتجرجرت في الريسيبشن من شعرها".
من جانبها قالت ياسمين عز: "أنا ضد العنف ولكن أنا مع أن كل طرف يمشي الأمور دون تعقيد أو مشاكل"، لترد سلوى خطاب: "عمتي كانت هتطلق عشان قالت لجوزها اقلع الجزمة وهي بتمسح، وأنا عارفة ان الكلام ده ضد ثوابتك".
