شب حريق في منزل الإعلامية هبة الأباصيري أرجعت سببه لتخزين الثوم وقالت عبر حسابها على موقع التواصل الاجتماعي "فيس بوك":" الحمد لله اللطيف الستار ، اتفاجئنا بمنظر حريق و نار طايرة ماسكة في شباك المطبخ و الحائط من بره و مواسير المياه ، لا في اثر لعقب سيجارة اترمي ولا في اي حد اصلا دخل المكان ده ولا في اي منفذ حتي لجيران يرموا في المكان ده اي حاجة ولا الجو حر نار للدرجة دي ".
وتابعت "هبة":"و النار طالعة من جوة صندوق كرتون فيه خزين التوم !! و دي اول مرة في حياتي اصلاً اخزن توم !! الله يسامح الست "ز" اللي بتساعدني هي اللي اقنعتني اخزن توم (نفس الست الطيبة اللي قالتلي و انا عندي كورونا "احطلك نعناع عالشاي ليه ، ما خسارة طالما انتي كده كده مش هتستطعمي ، انا لسه فاكراهالك يا "ز" بس مسامحاكي، اللهم لك الحمد يا لطيف يا ستار، راضية جدا جدا جدا يا ربي".
هبة الأباصيري انضمت مؤخرا لفريق تقديم برنامج الستات ميعرفوش يكدبوا المذاع على فضائية سي بي سي، بجانب الإعلاميتان إيمان عز الدين ومنى عبد الغني.
