احترفت "آية" المكياج السينمائى وخاصة المرعب منه، أو كما يلقب بـ"ميك أب الهالوين" وهذا الماكياج يستخدم الأدوات الصناعية والغذائية للحصول على تأثيرات سينمائية على الوجه وأعضاء الجسم مثل الجروح والثقوب والدماء وغيرها، ويتم رسمها بألوان وأدوات مخصصة لهذا النوع تحديدا من المكياج للحصول على نتيجة تتشابه مع أشكال الأشخاص الذين يظهرون فى أفلام الرعب والخيال العلمي.
عشقت الرسم منذ نعومة أظافرها، وطورت من نفسها عن الطريق التعليم الذاتي، إنها آيه أحمد محمد إبراهيم، صاحبة الـ ٢٢عاما، طالبة فى الفرقة الثالثة كليه التربية قسم البيولوجى جامعة دمياط، وأتقنت الماكياج السينمائى وجمعت عن طريقه العديد من المتابعين والمهتمين بهذا النوع من الفن.
استعانت "آية" فى بادئ الأمر بموقع يوتيوب لتكتسب معلومات عن هذا النوع تحديدا من المكياج، ثم استخدمت صفحاتها على مواقع التواصل الاجتماعى لنشر موهبتها على نطاق أوسع.
وتقول "آية" عن فنها: "الفكرة اللى أنا بقدمه ده فن زى أى فن تاني، وموضوع تقبله من عدمه حاجة نسبية، فى ناس ممكن تشوفه تحفة، وناس تانية تخاف منه أو تكرهه، كل ده وارد".
تلقت "آية" دعما قويا من قِبل عائلتها وأصدقائها وبعض مُدرسيها، وتوضح ذلك: "كل صحابى اللى فى المدرسة والمدرسين اللى يعرفونى وأهلى كانوا شايفين أنى بقدم فن حقيقى وحاجة كويسة، فكانوا ببيشجعونى عشان أكمل، وبيدعمونى دايما وهما اللى بيشترولى الأدوات وأختى بقى هى الموديل بتاعتى أصلا وهى اللى بتصورلى شغلي". ووتواصل "آية": ""انستجرام" والسوشيال ميديا خلت الناس تسمع عني، بس مفيش شك إن اللى بيحبوا أو بيفهموا النوع ده تحديدا من الفن قليلين هنا فى مصر".
يُعد هذا الفن مجرد هواية بالنسبة لها حتى الآن، ولكنها تأمل أن تشتهر فى هذا المجال وتصبح مؤهلة فى المستقبل القريب للمشاركة فى الأفلام السينمائية والأعمال الدرامية.
وتصنع "آية" المواد التى تستخدمها فى المكياج السينمائى فى المنزل حيث تستخدم مواد طبيعية ١٠٠٪ حتى تكون آمنة على البشرة، ومنها مواد تستخدم فى المكياج العادى مثل كريمات الأساس ومنها مواد أخرى غذائية. وتأمل أن تصبح من مشاهير هذا المجال فى المستقبل وتقول: "نفسى الناس تبتدى تعرف الفن ده وبيقى مألوف بالنسبة لهم، لأنه فعلًا زيه زى أى فن تانى والعكس ممكن يكون ده أصعب حاجة دلوقتي، خاصة إن إحنا اللى بنعمل كل حاجة فى من أول أغلب المواد اللى بنستخدمها لحد الميك أب نفسه".