مش عارفة أجيب العلاج منين.. كلمات ترددها الحاجة محفوظة التى تبلغ من العمر ٧٠ عاما بعدما ضاق بها الحال وتقولها بكل ضعف «حياتى وعمرى كله مش مهم عندى، بس مين هياخد باله من ولادى بعدى والمصاريف كتير وحالتنا المادية مش حلوة، وإحنا على باب الله.
واستكملت: «أنا عندى تليف فى الكبد والدكتور قال، إننى أحتاج متابعة كل أسبوع وأشعات وتحليل، وآخر مرة قاللى إنى لازم أعمل حقن فى المعدة لأن المشكلة بقت أكبر وهحتاج عملية تانية لاستئصال الكبد، وطبعا فى منظار وعملية الحقن ٣ مرات فى الشهر وتكلفة المرة الواحدة ١٦٠٠ جنيه، أنا عندى بنتين عرايس وولد وإحنا غلابة وحالنا مش مستحمل مصاريف أى حاجة والله مستورين برضا ربنا علينا بنتى بتحاول تساعدنى فى كل حاجة وجوزها مش هايشيلنا طول العمر».
أنا نفسى رسالتى توصل لأصحاب القلوب الرحيمة، ويكون لسه فى رحمة فى قلوب البنى آدمين وحد يحاول يساعدنى واللى أقرب مكان ليه عشان أروح له ممكن تكلفنا حق أكل وشرب الشهر كله الحمد لله الناس كلها بتحبنا وعارفينا وأنا بدعيلهم بالستر زى ما أنا نفسى ربنا يسترنا كلنا.. أنا نفسى أعمل العملية وأعيش وأشوف أولادى وأطمن عليهم.
الحاجة محفوظة مصطفى بركة وتقيم ش معوض أول طريق البراجيل- الجيزة.
ت/ ٠١١٥٠٢١٩٣٧٩
