نشر الشاعر الغنائي تامر حسين تدوينة مطولة، عبر صفحته بموقع التواصل الاجتماعي "فيس بوك"، أعلن خلالها قبوله هو والملحن عزيز الشافعي اعتذار المطرب رامي صبري لهما، وذلك عقب الأزمة التي حدثت بينهم حول أغنية "شكرا" للنجم عمرو دياب.
وقال تامر: "هو ده رامى صبرى اللى أنا أعرفه، كان يهمنى توضيح الحقيقة للجمهور المحترم اللى البعض منه تخيل اننا، ممكن نعمل تنازل ل أي فنان أو ناخد مُقابل وندى الأغنية لمطرب أخر وكنت حزين ومأذى نفسيًا من الموضوع ده ".
وأضاف تامر قائلًا: "وحقك عليا لو إتكلمت في البرامج ب حدة شوية في الكلام أو اتكلمت بلهجة مش لهجتى معاك ولا مع أى زميل بس ده من زعلى انك ماوضحتش كل ده ببوست وتبرء ذمتنا وسمعتنا واحنا فعلًا داخلين على أيام مُفترجه وفكل البرامج قلت انك أهم صوت في جيلك ما انكرتهاش وربنا يوفقك ويكرمك ويبعد عن الجميع أى خلافات ومشكلات عايزين نفن ونسعد الناس المحترمة اللى بتثق في ذوقنا فنيًا ونستغل الوقت في النجاح وبس ".
واختتم تامر قائلًا: "مش مستاهله خصام وزعل الناس بتموت وحصل خير وأسرتك الكريمة فوق راسى ومالهمش علاقة بمشاكلنا اللى انت بتورطنا فيها اون لاين 😀❤️ حبيبى ياراRamy SabrySabry ".