أكدت الفنانة إنجي شرف انها نادمة علي مشاركتها في مسلسل "سلسال الدم"، حيث انها وقع عليها ظلم كبير من وجهة نظرها، سواء في السيناريو أو التتر، موضحة ان القائمين علي المسلسل، أخلوا بجميع الإتفاقات معها.
وكتبت إنجي علي حسابها الشخصي علي "الفيسبوك": "في مسلسل بيتعرض حاليًا لي....حقيقي انا بندم اني اشتغلت فيه...لاني اتظلمت فيه اوووي في الدور والورق والتتر وفي كل حاجة....وما كانش دة الاتفاق ساعة العقدمع المؤلف والانتاج طبعا.. ومع ذلك كملت شغلي فيه عشان مصالح وفلوس الناس ماعطلعاش دة بعد طبعًا ما اشتكوني في نقابة المهن التمثلية اني رافضة اكمل دوري والنقابة كانت في صفي طبعًا...واضطريت اكمل شغلي لاني كنت ماضيه العقد قبل ما تخلص كل الحلقات كاملة ودي غلطة كبيرة وبدات تصوير جزء من دوري ولما رجعت لقيت الدور اصبح سطحي ومش مهم في الاحداث...واعتذرت اكيد اناعن الجزء الجديد لنفس المسلسل لان دوري اقل كتير من امكانياتي ومكانتي...عمري ما حسيت اني ندمت علي عمل اشتركت فيه من بدايتي زي دة.....والاهم انا لازم اتاسف كمان لجمهوري علي هذاالخطاالكبير...واوعدكم اني دايما حاختار كويس اوووي الناس اللي بتعامل معاهاواثق فيها
واكون عند حسن نظنك دايمًا".
"سلسال الدم 4"، بطولة عبلة كامل، رياض الخولي، رامي وحيد، ضياء عبد الخالق، راندا البحيري، أميرة هاني، كريم كوجك، ماجد الشريف، وعدد كبير من الفنانين المشاركين في الأجزاء السابقة، ومن المنضمين الجدد للجزء الجديد الفنان الكبير أحمد بدير ورانيا فريد شوقي وأحمد سلامة، للكاتب الكبير مجدى صابر، والمخرج مصطفى الشال، من إنتاج لؤي عبد الله.
