قررت الفنانة مها أحمد أن تستغل الحجر الصحي المنزلي للحد من انتشار فيروس كورونا في فتح ألبوم صور الذكريات، وغازلت زوجها الفنان مجدي كامل بصورة من حفل الزفاف، نشرتها عبر حسابها الشخصي على تطبيق "إنستجرام".
وكتبت "مها" تعليقا على الصورة: "طول عمرى كنت بحلم إن ربنا يكرمنى ويكون من نصيبى شاب ابن حلال وطيب وحنين وشهم وجدع وأهم شيء يكون بيحبنى ويحطنى جوه عنيه الحمد لله رب العالمين إنى من أول يوم دخلت فيه المعهد، وبدأت تحقيق طموحى الفنى ربنا رزقنى بالهدية اللى كنت بحلم بيها وهى إنت، من أفضل وأجدع شباب المعهد، كل البنات تتمنى نظره منه لكن ربنا أراد إنك تختارنى وتحبنى وتراعى ربنا فيا".
وتابعت "أحمد": "وأنا بقلب في ألبوم ذكرياتى الجميلة افتكرت كل كلمة حلوة قلتهالى كل طبطبه طبطبت فيها عليا كل حب كل حنان طول فترة زواجنا كنت صاحبى وأخويا وأبويا وأستاذى وابنى، عمرك ما حرمتنى من حاجه كنت سخى فكل حاجة ربنا يخليك ليا ولولادك، يمكن الظروف الصعبة اللى مرينا بيها عمرك محسستنى إن الحمل تقيل عليك رغم إنى عارفه إنه تقيل وتقيل قوى بس انت قد كل صعب".
واختتمت مها أحمد حديثها قائلة: "زوجى وافتخر النجم المكافح المحترم المحبوب حبيب الملايين مجدى كامل.. آسفة طبعا إنى أقول القاعدة مدة طويلة في البيت أعتقد إنها مصلحة لكل زوج وزوجة يطلعوا ألبوم ذكرياتهم ويحاولوا يسترجعوا أحلى أيام العشرة الطيبة يمكن لو عملنا كده ربنا يهون علينا ويفك كربنا ويبعد البلاء. بسم الله ما شاء الله ربنا يباركلى فيك ويخليك لولادك ويقويك حبيب عمرى نجم النجوم مجدى كامل".
يشار إلى أن مجلس الوزراء قرر أنه اعتبارًا من يوم ٢١ من مارس الماضي، ولمدة أسبوعين، يحظر على المواطنين الانتقال أو التحرك على جميع الطرق بكافة أنحاء الجمهورية من الساعة السابعة مساءً حتى السادسة صباحًا، ضمن خطة الإجراءات الاحترازية للحد من انتشار فيروس كورونا.
