اتشهر الكلب كوكو المذبوح.. يابن المحظوظة.. بيضالك ف الخرباية اللي كنت بتنام فيها يابن الكلاب المهوهوين.. واقعة ذبحك الداعشية ف قلب شبرا صاتت وذاعت.. ملت الدنيا شرق وغرب.. حدودها اتعدى من شبرا وشارع الترعة البولاقية وخرباية الشيخ رمضان إلى تل ابيب رأسًا، بلد الكُفر والفجور اللى على أصوله.. الصول أفيخاي أدرعي، المتحدث باسم جيش الاحتلال الإسرائيلي، بجلالة عفانته جاب سيرته عبر حسابه الشخصي على "فيس بوك" قال أدرعي: "من المسّلي بأن نرى مَن يحوّل ضجة "كلب شارع الأهرام" إلى حلقة جديدة في نظرية المؤامرة المعروفة".. طب وانت مال أهلك يا صرصار انت.. قرد إسرائيل وخايب الرجا الصول أفيخاي أدرعي نواياه خبيثة.. سعى يقلب الترابيزة ف سكة الدين والعقيدة والانتهاكات والمحرمات.. حيلة مكشوفة يا صرصار.. نصيحتي صرصر في حته تانية.. تدوير قضية كوكو مهروشة يا حضرة الصول اللي ما تتسمى.. أهرش في جربك في حتة تانية يا أدرعي.. لا نتقبل منك عزًا.. كلبنا واحنا أولى بيه.. هوهو في مكان تاني يا أبو دراع.. وشالوم يابن الخبيثة.
