قال الفنان معتز حسين، أحد أبطال مسلسل “الاختيار 2” ، إنه أجرى مؤخراً عملية الغضروف ، مشيراً إلى أنه تماثل للشفاء ، ووجه الشكر لكل الأصدقاء الذين وقفوا بجانبه خلال هذه الفترة
ونشر معتز حسين الذي جسد شخصية المقدم عاصم ضمن احداث مسلسل “الاختيار 2” ، صورة على صفحته بموقع التواصل الاجتماعي “فيس بوك” ، ويظهر خلالها مرتدياً ملابس غرفة العمليات ، وعلق عليها قائلاً : “فى ناس كتير كانت فاكرة ان الصورة دى على دور او حاجة جديدة . انا الحمد لله عملت عملية الغضروف فى ضهرى الف حمد وشكر ليك يارب وراضى بقضائك وشكر لكل الناس اللى اتكلمت و وقفت جمبى و بعتت رسايل واللى جولى فى المستشفى يوم العملية من غير حتى ماقول اسم المستشفى شكرا ليكم وبعتذر للناس اللى مقدرتش ارد عليهم سواء موبيل او رسايل حقكم على بس غصب عنى .” .
واضاف معتز حسين قائلاً : “انا عارف مين اللى وقف جمبى ومين اللى للاسف للاسف بيان فى المواقف دى . عمر ما الصحاب كانت بالكترة والضحك والكلام المواقف اللى زى دى هى اللى بتكشف معادن الناس . والله اللمة دى بتبقى لمة كذابة اللى بيقف جمبك فى وقت شددك هو اللى هيقف جمبك وقت فرحك مش العكس ” .
وانهى التدوينة قائلاً : “ بشكركم تانى وخالى بلكم من صحتكم الصحة نعمة كبيرة اوى احنا مش حاسين بيها .” .
يشار الي ان مسلسل “الاختيار 2” تأليف هانى سرحان، وإخراج بيتر ميمى، وإنتاج سينرجى وبطولة كريم عبد العزيز، أحمد مكى، إياد نصار، بشرى، إنجى المقدم، أسماء أبو اليزيد، هادى الجيار، احمد حلاوة، احمد شاكر عبد اللطيف، محمد علاء، اسلام جمال، احمد سعيد عبد الغنى، سلوى عثمان، على الطيب ،طارق صبرى، عمر الشناوى، ومعتز حسين وعدد كبير من الفنانين الشباب .
