أبدى كريم محمد عمر، نجل الكابتن محمد عمر المدير الفني لنادي الاتحاد السكندري، استياءه من الانتقادات اللفظية التي وجهة لوالده بعد نتيجة التعادل الإيجابي التي حققها الاتحاد السكندري مع المقاولون العرب في افتتاحية الدوري الممتاز.
طلب نجل المدير الفني من الجماهير اقتصار النقد على الأمور الفنية بعيدا عن الألفاظ النابية.
وقال نجل المدير الفني للاتحاد في تدوينة في أحد مجموعات جماهير نادي الاتحاد على موقع التواصل الاجتماعي "فيس بوك": "بعد إذن الأدمن في كلمتين عايز أقولهم وياريت كل الناس اللي في الجروب تشوفهم، "أنا كريم محمد عمر ابن محمد عمر اللي معظمكم قاعدين تشتموا وتغلطوا فيه. ياريت لو سمحتم اللي عنده نقد فني ينتقد براحته؛ لكن بدون أي ألفاظ خارجة لإن احنا كأسرته متضررين جدا من الكلام اللي بيتكتب".
وأضاف: "أنا مش ذنبي علشان والدي مدرب الاتحاد أشوف ناس أصغر من ولاده بيشتموه وواحد محترم بيقول كان بيشحت شغل وتريقة وكلام ملوش لازمة، فبعد إذن حضراتكم ياريت نلتزم بأدب الحوار وننتقد باحترام أكيد الناس اللي بتغلط وبتشتم دي مترضاش حد يغلط في والدهم أنا بطالب بأبسط حقوقي وهو إن الكلام على والدي يكون بأدب واحترام والنقد يكون من الناحية الفنية فقط وياريت اللي داخل يغلط ميبدأش كلامه بأبو الشهيد لإن الشهيد دا في حتة تانية خالص ومالوش علاقة بالكلام دا، كل التوفيق لنادي الاتحاد السكندري وآسف جدا للإطالة".
