فيروز كراوية لـ حلمي بكر: "الأندرجراوند فن محترم وكلامك إهانة مش نقد يترد عليه"

أثار تصريح الموسيقار حلمي بكر الذي وصف فيه فناني "الأندرجراوند" والفن المستقل بأنهم "شحاتين"، و"معندهمش فن"، وغير معترف بأي "شحات" منهم إلا ويكون مسجلا بالنقابة، حفيظة الفنانين المستقلين كل ممن رأوا فيه إهانة لهم وللفن "المحترم" بشكل عام.

ومن جانبها قالت الفنانة فيروز كراوية، في تصريحها لـ "بوابة الأندرجراوند"، "كلامه مفهوش نقد فني للأندرجرواند والمستقل عمومًا عشان يترد عليه من الأساس، ومينفعش أصلا كلام زي ده يطلع منه من غير مناسبة أو مناسبة، لأنه لو عايز ينقد الفن المستقل ينقدوا بطريقة فنية صحيحة ورؤية "محترمة" مش يوصفهم إنهم "شحاتين"".

كما أضافت فيروز، "الحكم الحقيقي في الفن هو الجمهور، واللي يخلي فنان يبقى فنان هو شغله واللي بيقدمه للناس وبيفيد بيه، مش مجرد "تصريحات" و"كلام في الهوا"، ومفيش قوة على الأرض لا النقابة ولا غيرها تقدر تمنع فنان إنه يقدم فنه للناس على مسرح أو حتى في الشارع، وأنا بتكلم بوصفي فنانة مش بتصنيفي كأندرجرواند أو غيره لأن كلنا في المجال ده فنانين".