حسن الرداد عن تصريحاته في السعودية: يروجها بعض الحمقى المتخلفين عديمي الضمير

هاجم الفنان حسن الرداد، مروجي أخبار رغبته في العيش بالمملكة العربية السعودية، واصفا إياها بأنه محرف عن سياقه.

 وقال الرداد في بيان له: "تصريح محرف يروجه بعض من الحمقى المتخلفين عديمى الضمير كل هدفهم هو عمل ترند على حساب اسمى ويردده ورائهم شوية عيال متخفيه وراء أجهزة إلكترونية، لكن كل الصحفيين المحترمين وكل الجمهور الكبير يعلمون جيدا صحة وحقيقة التصريح".

وكان الرداد، قد قال خلال لقائه بإحدى القنوات أثناء حفل توزيع جوائز JOY AWARDS: "استقبال الناس كله حب ودفا الواحد مش حاسس بالبرد فعلا من جمال الناس وحلاوتها، وده بيخلي الحاجز بينك وبين الجمهور مش موجود، وتقدر تطلع أحسن ما عندك".

وجاء في التصريحات المتداولة التي نفاها الرداد "والله أنا عايز أعيش هنا، الرياض دلوقتي بقت مكان استراتيجي وملتقى للنجوم في العالم كله مش بس العالم العربي، بيطلع منها أعمال فنية كبيرة وكتيرة، إلى جانب وجود نجوم عالميين وحفلات بيقدموها زي سلمان خان، أنا مبسوط جدا وبقيت أحس اني في مكان موجود فيه كل الحاجات الفنية اللي عايزها: مسرح وسينما وحفلات غنائية".