حبس المتهمين بسرقة هاتف خالد الغندور

أمرت جهات التحقيق بنيابة مصر القديمة حبس المتهمين بسرقة لاعب الزمالك السابق "خالد الغندور" ٤ أيام على ذمة التحقيقات، وطلب تحريات المباحث التكميلية حول الواقعة.

ألقت  الأجهزة الأمنية بالقاهرة ، القبض على المتهمين بسرقة لاعب الزمالك السابق خالد الغندور أعلى الطريق الدائري بمصر القديمة.

ودلت التحريات أن المتهمين  "أ.م" ويبلغ من العمر 25 سنة والثانى "م.س" 28 سنة، قاما بارتكاب الواقعة بأسلوب الخطف.

وكان الغندور كشف تفاصيل تعرضه للسرقة أعلى الطريق الدائري حيث قال " كنت راجع من مدينة نصر وطلعت دائري المعادي والدنيا زحمة جدا، وماشي براحتي، فجأة لقيت باب العربية اتفتح وواحد خطف مني التليفون عيني عينك، محستش بنفسي من الصدمة، ونزلت أجري وراه نط الحاجز وعدى الناحية التانية، وكان في واحد مستنيه بموتوسيكل من غير نمر ركب معاه وهربوا».

وأضاف الغندور "رجعت لقيت عربيتي ماشية وخبطت في عربية قدامي، والناس نزلت تتكلم معايا ينفع كده يا كابتن قولتلهم خدوا رقمي وتحت أمركم في أي حاجة".

وتابع لاعب الزمالك السابق: الولد اللي سرق مني الموبايل عنده حوالي 14 سنة، والموبايل ايفون لسه جديد اشتريته من كام يوم بـ32 ألف جنيه.