نجل محمود عبد العزيز يحيى الذكرى الخامسة لرحيله

أحيا الفنان والمنتج محمد محمود عبد العزيز ذكرى وفاة والده الفنان محمود عبد العزيز الخامسة حيث نشر محمد عبر حسابه الرسمى على موقع التواصل الاجتماعى " فيس بوك " صورة لوالده محمود عبد العزيز وعلق عليها قائلا: " غدًا ١٢ نوفمبر ٢٠١٦، الذكرى رقم ٥ للرحيل، للفراق، لكل معانى الألم والاشتياق... وآه وألف آه من الاشتياق... وتابع قائلا: " نصيحة:

لو ليك حد بتحبه وواحشك اوى ومازال حى يرزق روحله ماتكلموش فى التليفون وإملى عينك منه، شم ريحته واتكلم معاه فى أى حاجة استمتع بوجوده، ولو كان بعيد اوى وصعب تشوفه اتصل بيه، اسمع صوته وسمعه صوتك حسسه اد ايه هو مهم بالنسبالك وفارقلك قوله انك بتحبه حتى لو كانت الكلمه مالهاش مكان فى الحوار، أما لو كان رحل إلى دار الحق.... إعمل زيى، اكتبله رسايل واتصل برقمه اللى ممكن يكون اتلغى بس حسس نفسك انه لسه موجود لحد ما تروحله وتتقابلوا تانى فى مكان مافيش فيه مكان للوجع او الفراق. " (اسألكم الفاتحه والدعاء لابويا ولكل من رحلوا عنا).
يذكر أن توفي الفنان الراحل محمود عبد العزيز يوم السبت الموافق 12 نوفمبر عام 2016 بعد صراع مع المرض .