نادين: بدأت حياتي الفنية بالفوازير وعرض باليه سبب شهرتي

قالت الفنانة نادين إن بداية عملها كممثلة كان من خلال الفوازير، وكان وقتها هناك عرض باليه سيقدم بمناسبة انطلاق القمر الصناعى نايل سات، وكان مخرج الحفل هو المخرج الكبير يحيى العلمى.
وأضافت خلال لقائها مع الإعلامى دكتور عمرو الليثى ببرنامج واحد من الناس على شاشة الحياة، وفور ختام الحفلة،  طلب الوزير صفوت الشريف يجيبوا البنت اللى كانت في عرض النايل سات،حيث كان هذا العام هو عام الوجوه الجديدة في قطاع الإنتاج.
و تابعت نادين كواليس مشاركتها بالفوازير:"كنت رافضة الموضوع وكلمنى الأستاذ يحيى العلمى وقالى جربى بس الفوازير دى، ووافقت فعلا، وشخصية شلبية جارتى في فوازير جيران الهنا هي الأقرب لقلبى مع الراحل وائل نور.

وفيما يخص اعتزالها الباليه أكدت الفنانة نادين أن اعتزال البالية كان أصعب عليها جدا من اعتزال الفن قائلة كان أهون يقطعوا لى صباع وما أترك الباليه.
و أضافت  أن رجوعها للفن كان بسبب مكالمة من الفنانة منى زكى، وتابعت:" منى زكي قالت لى معايا فيلم وليكى دور مكتوب عليكى، وقولت ليها منى انتى مش واخدة بالك اني اعتزلت من ١٧ سنة، فقالت لى اللى زينا مش بيعتزل، والكلمة دى هزتنى جدا، وقولت ليها لا قالت لى مفيش حاجة اسمها لا فكرى وارجعيلى تانى".
و تابعت نادين أن ابنها كان معها في العربية وسمع الكلام وقال لها مين بيكلمك فقالت له دى منى زكى، فرد ابنها  : بتاعة تيمور وشفيقة.

وتابعت:" فوجئت أن ابنى بيشوف أفلام ومتابع وقلت له أنا سيبت الفن علشانكم فقال لى وإحنا بنقول ليكى ارجعى وتحدثت مع زوجى وقال لى أنا لم أتدخل في قرار اعتزالك ولو عاوزة ترجعى ارجعى".