بالفيديو.. ابنة رجاء الجداوي: "بابا كان دايما بيقول أنا متجوز أجدع ست في مصر"

قالت أميرة مختار ابنة الفنانة الراحلة رجاء الجداوي، إنها تشعر بحب غير مسبوق من كل من تتعامل معهم بسبب والدتها، موضحةً: "هو ده اللي عايشين بيه، وهو ده الإرث اللي سابته شخصية وإنسانية رجاء الجداوي".
وأضافت "أميرة" في مداخلة هاتفية لبرنامج "صباح الخير يا مصر"، على فضائية "مصر الأولى" اليوم الاثنين، أن والدتها كانت فنانة عظيمة، لكن حبها للناس وقلبها المتسامح مثلا ذكرى عظيمة لوالدتها".
وتابعت ابنة الفنانة الراحلة رجاء الجداوي: "لما كانت تعبانة كنت حاسة إن ليها 100 مليون ابن وابنة وحاسة إنهم هيفتقدوا شيء مهم جدا وكنت بشوف ده في ناس عندها أكتر من 60 سنة، لأنها كانت تحتويهم".
وأكدت: "النهاردة بقيت أحس إن العيلة والناس المقربة لينا أصبحوا بالآلاف، لأنهم مش سايبينا وبقوا معيشنا أنا وبنتي حالة حب كبيرة، ومجرد ما أروح أي مكان ويتعرف أنا مين الدنيا بتبقى حاجة تانية عشان رجاء الجداوي.. بابا دايما كان بيقول أنا متجوز أجدع ست في مصر".