ارحموا أطفال مصر.. والحارة مفيهاش قتل واغتصاب بالشكل ده

سايق عليكم سيدنا النبي.. أبوس ايديكم ورجليكم، ازرعوا القدوة الحسنة في نفوس الأطفال، عيال بتلعب في الشارع مقسمين نفسهم سفينة وسرية وعنتر ونازلين ضرب ومرازية في اللي رايح واللي جاي، ليه ما شفناش مسلسل واحد زي ضمير أبلة حكمت.. والسؤال الأهم: أربي أولادي على حب الخير وعمل الصح ولا على طريقة اللي يبص لك اخرم له عينه، ما هو في الوقت اللي حضرتك بتحاول تربي عيالك على الفضيلة في غيرك بيربوهم على الرذيلة، وسؤال أخير واقف في حلقي : ملوك الجدعنة من أنهي ناحية بالظبط ، وما كل هذا الدم والاغتصاب بغض النظر عن حرمة الشهر الفضيل فهل هذه مصر ، وهل هذه هي الحارة المصرية .. يشهد الله اني على مدار 51 سنة ما فارقت الحارة المصرية العتيقة (ورشة سمعان) بحي شبرا الجميل والتي تربيت فيها واعتز بيها ولو تأخرت عنها أسبوعاً عقلي يطير .. ولا عمري شفت كده .. جايبين الكلام ده منين ارحمونا .