كراكيب.. التابلت
أنا مش ضد التابلت خالص
ولا بيني وبينه أي عداوة
ولا ضد إلغاء التشعيب
وإعادته في النشرة الجاية
أنا بستفسر بس ياباشا
عن سبب العيب
في السيستم ولا تليجرام!
ولا الخطة الموضوعة!
ولا في أمخاخنا
بصراحة مش فاهم
إنت بتعمل إيه؟
ليه تفخخنا
وبتنفخنا
الأستاذ نوفل بيقول
العيب في الأنتينة
والشاحن مش واصل
والمخ كمان فاصل
من عند الألياف الضوئية
راكب مكوك
مسماره مفكوك
منهج مدكوك
سيستم مسكوك
طالب معكوك
ريفريش يا سيدنا
واعمل تاني بلاي أرجوك
مسمار التختة طلع معوج
وبينتش أحلامي الجاية