نتيجة الثانوية العامة 2020.. والد الثالث مكرر علمي رياضة بالدقهلية: الحمد لله ربنا فرحني ونفسي يدخل فنية عسكرية
قال أحمد فوزى محمد محمد صقر أمين شرطة بالمعاش والد الطالب أحمد الثالث مكرر في الثانوية العامه علمى رياضة بمجموع 409 ونصف من مدرسة سعد الدين شريف الثانوية المشتركة بقرية صهرجت الكبرى التابعة لمركز ميت غمر أنه سعيد جدا لحصول نجله على ذلك المركز ضمن اوائل الثانوية العامه فقد كلل الله تعبه بالنجاح، مشيرا إلى انه بكى من الفرحه عندما علم بوجود نجل ضمن الأوائل ورغم أنه لم يتلقى إتصالا من الوزير إلا أنه علم من وسائل الإعلام.
وأضاف " والد محمد لـ "البوابة نيوز" قائلا: الحمد لله انا كان نفسى ابنى محمود الكبير يدخل فنيه عسكريه ولكن الظروف مسمحتشى وهو حاليا في 3 هندسة ولكن ربنا عوضنى في نجلى محمد اللى طلع من المتفوقين والاوائل وان شاء الله يحقق حلمنا ويدخل فنية عسكريه لانى رجل ميرى وبحب الميرى وكلنا بنحب الجيش المصرى وان شاء الله اشوف اخواته زيه انا عندى لسه كمان اميره داخله 3 ثانوى ادبى ومروان رابعه ابتدائى وحمزه اخر العنقود 3 سنين ".
وتابع قائلا " احنا مثلنا الاعلى الفريق كامل الوزير علشان كده ابنى الاولانى لما مدخلشى فنية عسكريه دخل هندسة ومحمد ابنى دخل علمى رياضة واجتهد وذاكر علشان يتفوق وعلشان يحقق الحلم ويلتحق بالفنية العسكريه هو كان بيذاكر واحنا كنا بنشجعه عالمذاكره والحمد لله ربنا كلل تعبه ومجهوده بالنجاح والتفوق".
وأوضح ان نجله فور علمه بالنتيجة وتفوقه اليوم اصطحبه اصدقائه للاحتفال به خارج القريه تعبيرا عن فرحتهم بتفوق ونجاح زميلهم فهو شرف لهم جميعا وجوده بين اوائل الثانوية ".
تعرف على نتيجة الثانوية العامة اضغط هنا