بعد إصابتها بكورونا.. تعرف على رسالة إيناس عز الدين القاسية لجمهورها
طالبت الفنانة إيناس عز الدين جمهورها منذ قليل من داخل مستشفى حميات إمبابة بعد إصابتها بفيروس كورونا أن يتحمل منها كلمتين قاسين من واقع ما تعيشه الآن.
وكتبت عز الدين، بوست طويل قالت فيه: "معلش بما اني فاضية تقبلوا مني كلمتين قاسيين عليكم من واقع انا عايشاه دلوقتي، حالة الهلع والذُعر اللي الناس فيها فيها احيانًا بتخرج منهم تصرفات ممكن توصل مريض كورونا أو مشتبه فيه انه يخاف يروح يتعالج أو يخاف يبلغ أو يخاف يعلن عن مرضه ويفضل انه ييجي على نفسه ويتحمل التعب ويقول ربنا يشفيني ويفضل يختلط بالناس وهو مصاب ولا ان يتقال عنه مريض كورونا ويمشي موصوم بالعار كما لو انه مريض ايدز، هو معذور عارفين ليه لانكم بتتعاملوا مع مريض الفيروس على انه وباء متحرك مش إنسان مريض وعادي وممكن تاخدوا احتياطاتكم في التعامل معاه وانه ممكن يخف ويرجع لحياته الطبيعية تاني ولازم صوره تنتشر شمال ويمين وصور اهله واسرته وعياله وساكن فين ومراته بتشتغل فين وعياله في مدارس ايه وتبدأ مرحلة انكم تحسسوهم انهم جرثومة ماشية على الأرض وانا مش بتكلم عن نفسي ابدااااًا لان انا اللي طرحت وضعي علشان احاول اطمن الناس لكن انا بتكلم عن ناس تانية عاديين عاشوا المعاناة دي زي الحقوا عربية اسعاف اهيه في الشارع كده المنطقة بقت موبوءة.
واضافت عز الدين: هتكلم من واقع تجربتي لقيت ناس كتير بتفتي وبتهول وبينشروا الذعر بين الناس بالتهويل المبالغ فيه ويحكوا حكايات ما حصلتش ويألفوا قصص كتير ويحلفوا انهم شافوها بعينهم ويخلوا الناس تعيش حالة من الذعر والرعب والمناطق اللي فيها المصابين يعملوا عليهم حفلة جماعية ودي تقول لازم يعزلوا من المنطقة احسن ينشروا الوباء وناس تقول واحنا هنعيش ازاي بعد كده مع حد اتصاب في شارع ولا عمارة واحدة وكلام كتيرررررر ابسطه معايا لقيت قصص كتير انتشرت عني انا مش عارفة جابوها منين في بعض جروبات وصفحات المنطقة اللي ساكنة فيها وكل واحدة تحلف وتقسم انها شافت، فالحقيقة تعاملكم الخاطيء مع مريض الفايرس يخلي المريض يخاف يعلن مرضه ويتعالج.
وتابعت عز الدين: احنا عندنا مشكلة في الوعي كبيرة جدًا لمستها لما اتعرضت للموقف ده طبيعي جدًا ولازم نتخذ الحذر الكافي وناخد احتياطاتنا علشان نأمن نفسنا وأسرنا لكن اللي مش طبيعي هو حالة التهويل اللي حاصلة بشكل مبالغ فيه، زي لما حد يقولك فلان قال مساء الخير فانت تروح تبلغ حد تاني تقوله ده فلان قال مساء الخير وازيك عامل ايه ويارب تكون في احسن حال وقصة كبير وده اللي احنا بنعمله، فأرجووووووكم حرصوا واحذروا وخدوا احتياطاتكم بس كفاية نشر فزع ورعب وخوف بين الناس للدرجة اللي توصلهم انهم لو تعبوا يستخبوا ويخافوا يتعالجوا احسن بدل ما يموتوا من الفيروس يموتوا من تصرفاتكم وكلامكم ونظراتكم
يذكر ان ايناس عز الدين أعلنت امس عن اصابتها بفيروس كورونا وانها بداخل سيارة الاسعاف وتم نقلها إلى حميات امبابه، مؤكده انها ستتابع حالتها مع جمهورها لحظة بلحظة.
وكتبت عز الدين، بوست طويل قالت فيه: "معلش بما اني فاضية تقبلوا مني كلمتين قاسيين عليكم من واقع انا عايشاه دلوقتي، حالة الهلع والذُعر اللي الناس فيها فيها احيانًا بتخرج منهم تصرفات ممكن توصل مريض كورونا أو مشتبه فيه انه يخاف يروح يتعالج أو يخاف يبلغ أو يخاف يعلن عن مرضه ويفضل انه ييجي على نفسه ويتحمل التعب ويقول ربنا يشفيني ويفضل يختلط بالناس وهو مصاب ولا ان يتقال عنه مريض كورونا ويمشي موصوم بالعار كما لو انه مريض ايدز، هو معذور عارفين ليه لانكم بتتعاملوا مع مريض الفيروس على انه وباء متحرك مش إنسان مريض وعادي وممكن تاخدوا احتياطاتكم في التعامل معاه وانه ممكن يخف ويرجع لحياته الطبيعية تاني ولازم صوره تنتشر شمال ويمين وصور اهله واسرته وعياله وساكن فين ومراته بتشتغل فين وعياله في مدارس ايه وتبدأ مرحلة انكم تحسسوهم انهم جرثومة ماشية على الأرض وانا مش بتكلم عن نفسي ابدااااًا لان انا اللي طرحت وضعي علشان احاول اطمن الناس لكن انا بتكلم عن ناس تانية عاديين عاشوا المعاناة دي زي الحقوا عربية اسعاف اهيه في الشارع كده المنطقة بقت موبوءة.
واضافت عز الدين: هتكلم من واقع تجربتي لقيت ناس كتير بتفتي وبتهول وبينشروا الذعر بين الناس بالتهويل المبالغ فيه ويحكوا حكايات ما حصلتش ويألفوا قصص كتير ويحلفوا انهم شافوها بعينهم ويخلوا الناس تعيش حالة من الذعر والرعب والمناطق اللي فيها المصابين يعملوا عليهم حفلة جماعية ودي تقول لازم يعزلوا من المنطقة احسن ينشروا الوباء وناس تقول واحنا هنعيش ازاي بعد كده مع حد اتصاب في شارع ولا عمارة واحدة وكلام كتيرررررر ابسطه معايا لقيت قصص كتير انتشرت عني انا مش عارفة جابوها منين في بعض جروبات وصفحات المنطقة اللي ساكنة فيها وكل واحدة تحلف وتقسم انها شافت، فالحقيقة تعاملكم الخاطيء مع مريض الفايرس يخلي المريض يخاف يعلن مرضه ويتعالج.
وتابعت عز الدين: احنا عندنا مشكلة في الوعي كبيرة جدًا لمستها لما اتعرضت للموقف ده طبيعي جدًا ولازم نتخذ الحذر الكافي وناخد احتياطاتنا علشان نأمن نفسنا وأسرنا لكن اللي مش طبيعي هو حالة التهويل اللي حاصلة بشكل مبالغ فيه، زي لما حد يقولك فلان قال مساء الخير فانت تروح تبلغ حد تاني تقوله ده فلان قال مساء الخير وازيك عامل ايه ويارب تكون في احسن حال وقصة كبير وده اللي احنا بنعمله، فأرجووووووكم حرصوا واحذروا وخدوا احتياطاتكم بس كفاية نشر فزع ورعب وخوف بين الناس للدرجة اللي توصلهم انهم لو تعبوا يستخبوا ويخافوا يتعالجوا احسن بدل ما يموتوا من الفيروس يموتوا من تصرفاتكم وكلامكم ونظراتكم
يذكر ان ايناس عز الدين أعلنت امس عن اصابتها بفيروس كورونا وانها بداخل سيارة الاسعاف وتم نقلها إلى حميات امبابه، مؤكده انها ستتابع حالتها مع جمهورها لحظة بلحظة.