مصطفى كامل: خليك في بيتك وبلاش ننشر السم بينا
نشر الفنان مصطفى كامل عبر صفحته الشخصية "فيسبوك" فيديو، قال فيه: "ضروري لازم نسمع كلام المسئولين اللي لغوا الطيران والسياحة وتم وقف المدارس، وكل دا عشان يحافظوا علينا، يبقى ضروري نسمع كلامهم".
وأضاف: "بلاش ننزل عشان ما ننشرش السم بينا بلاش حكاية انت نازل اكل عيشك انت نازل كدا، عشان تنشر السم وهنديه لغيرنا وغيرنا يديه لغيره والموضوع هينتشر، من فضلك حافظ على أمك حافظ على اولادك ليه نموت بعض ليه احنا مستهترين حتى الآن ليه احنا واخدين. الأمر فكاهة".
وتابع: "تقدر تقعد في البيت نسمع قرآن نسمع إنجيل نسمع توراة وبلاش ننزل من بيوتنا وموضوع القهاوي اللي بتفتح وتقفل على نفسها، ارجوكم بلاش كدا، احنا كدا بتفشي المرض، ارجوك. يا سيادة الرئيس افرض حظر التجوال، واضح إن احنا محتاجين قانون رادع علشان الناس تحس ونسمع الكلام."
وفي النهاية توجه مصطفى كامل بخالص الشكر لكل دكتور والقائمين على التمريض قائلًا: "بجد ربنا معاكم ويقويكم انتم أبطال بحق".