مصطفى محمد يكشف سر الوصول لـ"الأولمبياد"
أعرب مصطفى محمد، مهاجم منتخب مصر الأوليمبي، عن سعادته البالغة بتأهل الفراعنة إلى فعاليات دورة الألعاب الأولمبية المقبلة في طوكيو 2020، والتأهل إلى الدور النهائي من بطولة كأس الأمم الأفريقية تحت 23 عاما، بعد الفوز على منتخب جنوب أفريقيا بثلاثة أهداف دون رد.
وقال "محمد"، خلال تصريحات صحفية، إنه سعيد بتحقيق حلم المنتخب الأوليمبي بالصعود إلى أولمبياد طوكيو وإسعاد الجماهير، موجها الشكر لكل الجماهير الحاضرة للقاء جنوب أفريقيا على مساندتهم القوية للفريق خلال الفترة الماضية.
وأضاف مهاجم منتخب مصر: "الحمد لله روحنا الناس فرحانة ومبسوطة، اللاعيبة كانت رجالة وعلى أد المسئولية، اللاعيبة كانت طول الوقت بتتكلم في غرف الملابس لازم الناس تروح فرحانة ومبسوطة من المباراة، واتفقنا على كدة، وكان ده كل همنا، عملنا اللي علينا وربنا كرمنا". وعن احتفالات اللاعبين بعد المباراة في غرف الملابس، قال: "الفرحة بالأولمبياد مختلفة، بقالنا شهر كامل حارمين نفسنا من كل حاجة عشان نحقق الحلم ده ومن حقنا نفرح، وإن شاء الله الفرحة تكمل بتحقيق البطولة، هنعمل اللي علينا في الماتش الجاي والباقي على ربنا".
وأكد مهاجم نادي الزمالك أنه يبذل قصارى جهده في التدريبات دون النظر لأي شيء آخر، وأهم شيء بالنسبة له الاستمرارية فقط لا غير، مضيفا: "أنا مش ببص على أي ماتش خلص دايما ببص لقدام، ببص للماتش اللي جاي بعده".