على باب الله.. "خالد": "ربنا خد من عيني وحط في قلبي"
فقد بصره ولم يفقد عزيمته، فى لحظة انطفأ نور عينيه، خرج حيا من حادث مروع، قال له الأطباء منذ سبع سنوات إن نظرك سيعود إليك بالتدريج مع العلاج لكنه حتى الآن يأبى، فاستند على ابنه عبدالرحمن يجوب الشوارع يبيع «مناديل ورقية » يقاوم فى الحياة ليربى أولاده الأربعة، وزوجته تساعده على قدر استطاعتها، عم «خالد » نموذج للرضا والإصرار وابنه عبدالرحمن فى الصف الرابع الابتدائى لكن ما إن تسمعه إلا وتشعر أنك أمام رجل تخطى عمره الأربعين فى رزانته وحكمته يقول: «بخلص المدرسة وأمسك إيد بابا ونمشى على باب الله ربنا يرزقنا، أنا زعلان من الوضع ده لكن دلوقتى مش هقدر أغيره، أنا بحاول أذاكر وأشجع إخواتى اللى أكبر منى يذاكروا علشان نبقى كويسين ونعوض أبونا وأمنا عن الهم اللى شافوه» يلتقط خالد الحديث من ابنه عبدالرحمن قائلا: «الواحد ما بيعرفش قيمة النعمة إلا لما تروح منه، أنا حزنت جدا على نظرى اللى راح بس صدقنى يا أستاذ، أنا لما كنت سليم وكنت شايف كل حاجة مكنتش حاسسها، مكنتش عارف قيمة الزوجة والعيال، أنا شايف عبدالرحمن بقلبى ومبسوط إن عندى عيل راجل، وشايف حنية بناتى وحاسسها، وبحمد ربنا على كل نعمة، وعندى أمل إن ربنا يتم شفايا، بعتبر اللى حصلى ده امتحان وأنا راضى بقضاء ربنا وقدره، وربنا يعوضنى خير ويطرح البركة».