صوت الناس.. "بشير" يناشد وزير الداخلية: "سحبوا مني الموتوسيكل"
يترجل فى الشوارع طوال اليوم من أجل أن يبحث عن لقمة عيش، بعدما كان يعمل «دليفرى» ولكن خسر الموتوسيكل الخاص به وكان مصدر قوته الذى كان يسانده على المعيشة، ليستغيث بالمسئولين ويوجه شكوته عبر «البوابة» بشير معوض، ٢٩عاما ويقيم بمنطقة الحوتية بالعجوزة.
يبدأ يقص حكايته قائلا: «أنا كان عندى مكنة شغال عليها دليفرى والرخصة بتاعتى كانت ضائعة، وعملت محضر كنت ماشى فى شارع أحمد عرابى وقفنى أمين الشرطة راح واخد المكنة على الرصيف وراح قالى خلاص اتسلمت، بقوله يعنى إيه كدا، المكنة اتسلمت؟ وهو شاف المحضر بتاع الرخصة، قالاى أنت ماشى من غير رخصة، وقطعه وقالاى امشى من هنا وأخذ المكنة منى".
ويكمل حديثه: «أنا معنديش مصدر رزق غير المكنة، ومن وقتها وأنا بمشى فى الشوارع بدور على شغل، أنا شاب ومفيش فى جيبى جنيه".
وتابع: «حاليا المكنة فى الكيلو ١٠ ونص، ومحتاج عشان أقدر أجيبها لازم أدفع الغرامة ٢٥٠٠ جنيه، وترخيص ٥٠٠ وأنا مش معايا، هجيب منين ودا مصدر رزقى الوحيد اللى بيساعدنى على مصاريف والدتى وتكاليف المعيشة". واختتم قائلا: أنا نفسى أجيب مكنتى عايز أشتغل، وأكل عيش بالحلال لأنى بعول والدتى.
للتواصل: ٠١١٥٠٦٩٣٦٢٤