صوت الناس.. "إبراهيم": عايز مشروع أسترزق منه لأربي عيالي
بعد ١٢ سنة خدمة فى إحدى الشركات الخاصة، استغنوا عنه بدون أسباب مقنعة ليجد نفسه بلا عمل أو وظيفة.
إبراهيم على،٣٧ عاما، من سكان منطقة «داير الناحية» كان يعمل كموظف حجز تذاكر طيران، بإحدى شركات السياحة الخاصة، وبعد أن قضى فى خدمة الشركة كل هذه المدة أصبح خارج الشركة. يقول «بعد ما قضيت عمرى كله باشتغل فى شركة السياحة استغنوا عنى بحجة أن عقدى فى الشركة انتهى وطبعا مكنش متأمن عليا وعندى بنتين كمان شهر وهيدخلوا المدارس ومش عارف هدفع لهم المصاريف منين، وهعيش أنا وزوجتى وعيالى إزاى وأنا معنديش دخل ثابت».
وأضاف، «فكرت فى عمل مشروع صغير وهو «فاترينة إكسسوارات موبايل وكمبيوتر» أسترزق منه وأقدر أصرف على أسرتى منها وبتمنى حد يساعدنى بمبلغ أقدر أشترى بيه الفاترينة لأن تكلفتها ٣٠٠٠ جنيه وعايز بضاعة بحوالى ٤٠٠٠ جنيه».