مفاجأة.. "شهر زاد" ليست الأشهر في حكايات ألف ليلة وليلة

الكل يعرف أن أشهر شخصية من شخصيات ألف ليلة وليلة، هي شهرزاد، والتي تم توظفيفها في الكتاب الأسطوري «حكايات ألف ليلة وليه» وهذا بشكل محوري جدا باعتبارها راوية الحكايات لثاني أشهر الشخصيات في الكتاب وهو شهريار وشخصية شهرزاد فى كتاب الف ليلة وليلة ابتكرت مجموعة من الحكايات العربية الأسطورية والتي بتعتبر علامة مسجلة فى تاريخ الأدب العربي:



السندباد البحرى:
بطل ٣٨ ليلة من ليالي شهرزاد الألف وهي تعتبر اول واطول حكاية بحرية فى الادب العربى ،وسندباد كان تاجر من زمن هارون الرشيد ايام الخلافة العباسية ده غير انه كان بحار ومكتشف رائع وقام سندباد بـ7  رحلات بحرية علشان يحاول يرجع ثروة والده ، وشخصية السندباد اتجسدت فى مسلسلات وافلام كتير جدا.




علاء الدين:
بالرغم من الاصل العربي لقصة علاء الدين والمصباح السحري الان القصة دي مش موجودة فى كل النسخ العربية فى الف ليلة وليلة، واتنشرت القصة دي في اوروبا اول مرة سنة ١٨٨٨ على إيد المستشرق الفرنسي “جالان” مع شوية تعديلات علشان تتناسب مع الذوق الأوروبي.




على بابا:
تاريخيا بتعتبر القصة دي دخيلة على النص الاصلي لالف ليلة وليلة،وده بسبب ان المستشرق الفرنسي “جالان” ضافها وهو بيترجم الكتاب عن طريق راوي من الشرق الاوسط حكاها له،والقصة رغم جمالها الا ان شخصية علي بابا فيها متناقضة شوية لانه من زاوية حطاب بسيط ومن زاوية تانية يعتبر حرامي لانه سرق مغارة الاربعين حرامي اللي عرف كلمة السر اللي بتفتح بابها ده غير شخصية مرجانة زوجة علي بابا واللي بتنقذه اكتر من مرة من محاولات الاربعين حرامي في القضاء عليه.




الشاطر حسن:
قصة الامير الغني الطيب واللي بيدور على عروسة وفعلا بيعمل اختبارات كتير لستات كتير واخير بيلاقي “ست الحسن والجمال” وفعلا بيتجوزوا لكن الحاقدين بيقرروا انه يسرقوا ولادهم الاثنين.




مسرور السياف:
دراع شهريار اليمين واللي كان دوره انه يدبح جارية من جواري شهريار كل طلعة نهار وحتى لما كانت شهرزاد بتحكي لشهريار حكايات الف ليلة وليلة كان لازم مسرور يكون جنب شهريار وفى اقاويل ان شخصية مسرور ليها جذور تاريخية حقيقية وانها بترجع لسياف هارون الرشيد الحقيقي.




على الزيبق:
اللص الشريف اللي بيسرق فلوس الاغنياء وبيديها للفقراء واللي بيكشف الفساد اللي فى المملكة وبيحاول يمنعه ،شخصية على الزيبق الملقب ب”روبن هود العرب” جسدها الفنان فاروق الفيشاوي فى مسلسل مصري بيحمل نفس الاسم.




معروف الاسكافى:
اسكافي فقير بيتعرض على طول للظلم والاضطهاد من مراته لقى خاتم سحري في الصحراء حوله لامير غني متجوز اميرة ومنتصر على شر الملك.



ابو قير وابو صير:
حكاية طويلة بين اثنين اولهم رمز الخير الحلاق ابو صير واخرهم رمز الشر وهو الصباغ ابوقير،بتدور الاحداث في الاسكندرية وبعدين بيتغير مكان الحكاية لمدينة اوروبية بيثبت فيها ابوصير كفاءته للملك رغم مكائد ابوقير واللي كان الملك هايقتل ابوصير بسببها ولكنه يكتشف الحقيقة ويقتل ابوقير ويرجع ابوصير الاسكندرية وهو غني.