الحاجة ثريا: نفسي أتعالج
وجه عانى من متاعب الزمن، ورضي بقضاء الله، يحمده في الضراء، ويشكره في السرّاء، لم يفقد الأمل رغم كل المعاناة، ما إن تدخل منطقة الدويقة، حتى تجد العشوائيات هناك، وكلٌ قد رضي بحاله، وبين تلك البيوت التي أوشكت على الانهيار، تعيش الحاجة ثريا، التي تبلغ من العمر ٦٧ عامًا، بلا زوج ولا ابن ولا عائلة، تعيش وحيدةً تنتظر أجَلَها.
تقول الحاجة ثريا: «عايشة في البيت دا من ٤٠ سنة، أهو أوضة وحمام، رضا.. الحمد لله، مش عاوزة حاجة تاني من الدنيا، غير إن يكون ليا ولد استند عليه، بعد جوزي ما مات، لكن حتى الولد مش عاوز يفتكر أمه، ولا يسأل فيها».
«مش طالبة حاجة من الدنيا غير إني أتعالج، عينى مبشوفش بيها كويس، يعني نظري مش موجود، والجيران هنا بيساعدوني وبيجبولي الطلبات، نفسي بس أتعالج، وعيني تخف، الدكاترة قالولي إني محتاجة عملية، والمبلغ كبير، وأنا مليش رزق غير معاش جوزي ١٤٠ جنيها، يدوب بمشي بيهم حالي».