إسلام زكي ينجو من الموت على طريق العلمين
نجا الملحن إسلام زكي من حادث مروع كاد أن يودي بحياته صباح اليوم الأحد، بطريق العلمين بالساحل الشمالي ما أصابه بكدمات في جسده.
وكتب زكي عبر صفحته الشخصية على موقع التواصل الاجتماعي "فيس بوك" قائلا: "الحمد لله وصلت البيت.. شكرا لكل الناس اللي كلمتني وبعتولي وقريت كل التعليقات واحد واحد.. ربنا يخليكو ليا ويستر طريقكم وربنا طلعني من حادثة كان ممكن تكون أسواء من كده.. مش شرط تكون انت اللي غلطان ممكن جدا زي ما حصل معايا واحد غيرك يكون سبب في حادثة زي دي وانت ماشي في امان الله.. الراجل شكلة كان بينام وهو سايق ومعاه مراتة واطفال فجاة خرج عن الطريق وراح ناحية الرصيف وبيفادي نفسة راح كاسر عليا انا وانا ماشي بسرعتي في نص العربية.. مش هوصف خضة الحادثة وانت لوحدك الساعة ٧ الصبح والحمد لله اني كنت لوحدي ومحدش قاعد جنبي والازاز كلة بيضرب في وشك وعلي جسمك والعربية عمالة تلف بيك ومش عارف هتخلص علي اية وربنا ستر واللي جاي ورايا وقف قبل ما يخبطني هو كمان.. خلي بالك من كل اللي حواليك حتي لو انت احسن سواق في العالم ممكن بحركة غبية من حد تاني تقضي عليك وعلية.. ربنا يستر طريقكم وشكرا تاني واسف قلقتكم دة قضاء ربنا والحمد لله".
ولحن إسلام زكي للعديد من المطربين أشهرهم الهضبة عمرو دياب بأغنية "فوق م اللي انت فيه" من ألبوم "الليلة" و"ساعة الفراق" و"أنا مش أناني" و"أيوه اتغيرت" من البوم "شفت الأيام"، وأغاني "عكس بعض" و"راجع" و"وعدتك" من الألبوم الأخير للهضبة "أحلى وأحلى".
كما طرح إسلام زكي عدة أغاني بصوته منها "أنا مسامح" و"خايف لو قابلته".