"مونيا" تبكي بانهيار أثناء حديثها عن الفنان "نور الشريف"

تحدثت الفنانه مونيا لـ"البوابة نيوز" عن الفنان نور الشريف، والذي جسدت امامه دور الفت زوجته الأخيره في مسلسل "عائلة الحاج متولى"، حيث انهارت بالبكاء أثناء حديثها عنه، وعن معاملته الطيبه لها أثناء كواليس المسلسل.
وقالت: "كان الفنان نور الشريف اطيب الناس اللى انا اتعاملت معاهم، وكان مبدع جدا، وكان بيهتم بكل شئ في المسلسل، وبيحضر كل المشاهد حتى اللى هو مش موجود فيها، وكان بيهتم بكل الناس ومبيبخلش على حد بعلمه وفكره وكان إنسان بسيط مع كل الناس وكنت لما اقوله يا استاذ كان يقولى لا قولى يا "ميتو" علشان تخشى في الشخصيه اكتر وكان بيهتم بادائنا كلنا وفى يوم لاقيته متضايق وخايف فسالته مالك يا استاذ خايف ليه قالى خايف المسلسل ده مينجحش النجاح اللى شوفته في "لن اعيش في جلباب ابى".
وأضافت مونيا أيضا "الحزن بيزيد وجاى ورا بعضه، وفاة سامى العدل، والعالمى عمر الشريف، ومن يومين ميرنا المهندس، وبعدها الفنان نور الشريف، كفاية حزن احنا تعبنا اوى على ناس بنحبها، ربنا يرحمهم ويرحمنا يارب".