ننشر أغنية الزمالك الجديدة "في التالتة يمين"

تنشر "البوابة نيوز" أغنية في التالتة يمين"، بالصوت، قبل طرحها مسجلة بالفيديو كليب، والذي شارك في تصويره عدد من أساطير ونجوم نادي الزمالك.
ويؤدي الأغنية أحمد طارق يحيى، وشارك في تصويرها نجوم الزمالك، تمهيدًا لإذاعتها بعد تحقيق الفريق لقب الدوري رسميًا.

وتقول كلمات الأغنية:
"في التالتة يمين
فاكر أنا أول مرة جيتها كانت من سنين
مش هنسى أنا يومها وﻻ ساعتها كنا ساكتين
صوت رج الملعب مرة واحدة تشجيع ملايين
يا تيشرت العمر آه يا أبيض لو رحت فين
عمري ما أحب زيك أنت لو حتى مين.. لو حتى مين
واسمع كلامي.. أنا جنب النادي ده وعمري ما همني أسامي
ناس تمشي وناس تفضل بروحها كاسبه احترامي
أنا مش برئ لو كان حبي هو اتهامي.. أيوه اتهامي
مهما بكاني بيجيلي أنا وقت أكيد وبفرح معاه من تاني
ويومها بتبقا الدنيا من الفرحة مش سيعاني
ده كفاية عليا اللحظة دية.. أنا مش أناني
بهتف بكلمة من سبع حروف بيهزوا كياني
زملكاوي لآخر يوم في عمري.. ماللي رباني كان زملكاوي
واسمع كلامي أنا جنب النادي ده وعمري ما همني أسامي
ناس تمشي وناس تفضل بروحها كاسبه احترامي
أنا مش برئ لو كان حبي هو اتهامي.. أيوه اتهامي"

الأغنية من تأليف وتلحين أحمد طارق يحيى، نجل لاعب الزمالك ومنتخب مصر السابق، ويشارك فيها العديد من نجوم نادي الزمالك القدامى والحاليين أمثال "حمادة إمام - حسن شحاتة - أيمن عبدالعزيز – حازم إمام – أشرف قاسم – طارق يحيى – محمد صلاح – نصر إبراهيم – هشام يكن – عبدالواحد السيد – أحمد حسام ميدو – كريم حسن شحاتة -عمر جابر – عبدالحليم على – طارق مصطفى – جمال عبدالحميد – محمود الخواجة – عادل المأمور – أيمن يونس – سامي الشيشيني – طارق السيد – محمود عبدالرازق «شيكابالا»".

يُشار إلى أن الزمالك يتبق له نقطة واحدة، ليحقق درع الدوري رسميًا، وللفريق مباراة قمة مرتقبة غدًا الثلاثاء أمام الأهلي قد يقتنص فيها هذه النقطة.