كشف الفنان كريم محمود عبد العزيز عن مشهد بفيلم موسى جمعه بالنجم صلاح عبد الله، مشيرا إلى أنه بكى حقيقى فى هذا المشهد؛ لأنه تذكر والده النجم الكبير الراحل محمود عبد العزيز.. ونشر كريم صورة تجمعه بوالده عبر صفحته الرسمية على موقع التواصل الاجتماعي فيس بوك قائلا: “بعد وفاة بابا بسنة تقريبا، كنت في مرة نايم والمفروض أصحى عشان عندي تصوير، فجأة لقيت بابا بيصحيني بس من غير ما يلمسني وبيقولي بطريقته اللي متعود عليها منه (إيه صباح الفل) وأنا بتعامل عادي على إنه مفيش حاجة فقولت له (صباح الفل) ... لقيته بيقولي قوم بقا خد دش حلو كدا عشان تروح التصوير بتاعك وانت فايق كده وفريش وحلو ❤، وراح قالي حاجة ضحكتني فضحكت ودورت وشي ببص تاني مالقيتهوش”.
وتابع: “بعدها بفترة المخرج بيتر ميمي كلمني وقالي على فيلم موسى فلما قريت السيناريو لقيت في وسط الفيلم مشهد بعد وفاة الأب تقريبا هو هو نفس المشهد اللي حصلي مع بابا لما صحيت من النوم.. بس في الفيلم فجأة الأب بيظهر وبقوله طب عايز تشرب .. فببص تاني و برضه مش بلاقيه، بصراحة استغربت جدا وحصلتلي حالة غريبة ... وقت التصوير بقا لما جينا نصور المشهد كنت ببص لعم صلاح عبد الله كأني شايف أبويا قدام عيني و ساعتها بقيت بعيط حقيقي مش تمثيل”.
موسى فيلم خيال علمي مصري من إنتاج سنة 2021 من إخراج وتأليف بيتر ميمي، ومن بطولة كريم محمود عبد العزيز، وإياد نصار، وأسماء أبو اليزيد، وسارة الشامي، وصلاح عبد الله. الفيلم هو الجزء الثاني من سلسلة أفلام تحمل اسم المستضعفون، بعد فيلم الهرم الرابع للمخرج بيتر ميمي الصادر في 2016 .
يذكر ان كريم عبد العزيز يعرض له حاليا فى دور السينما فيلم شلبي الذى نجح في تحقيق إيرادات جيدة الأسبوع الماضي، والتي صلت إلى 2 مليون و112 ألف جنيه، في رابع أسابيع عرضه، ليصل إجمالي إيراداته إلى 11 مليون و18 ألف جنيه، وقد حققت أمس الثلاثاء، 203 ألف جنيه، ويشارك في بطولة «شلبي» الفنانة روبي، بيومي فؤاد، حاتم صلاح، الطفلة سيليا سعد، محمد محمود، إخراج بيتر ميمي.
