الخميس 29 سبتمبر 2022
رئيس مجلسى الإدارة والتحرير
عبدالرحيم علي
رئيس التحرير
داليا عبدالرحيم
رئيس مجلسي الإدارة والتحرير
عبدالرحيم علي
رئيس التحرير
داليا عبدالرحيم

البوابة ستار

نشوى مصطفى تروي موقفًا إنسانيًا لهشام سليم

نشوى مصطفى
نشوى مصطفى
تابع أحدث الأخبار عبر تطبيق google news

روت الفنانة  نشوى مصطفى موقفاً إنسانياً للفنان هشام سليم، الذي وافته المنية أمس، عقب صراع مع مرض السرطان، وسط تأثراً كبير من قبل جمهوره وزملائه وأحبائه بالوسط الفني.

ونشرت مصطفى منذ قليل، تدوينة عبر حسابها الشخصي على موقع التواصل الاجتماعي “ فيس بوك”، قالت فيه: "افتكرت حاجة عن هشام سليم يمكن مش كتير يعرفوها — فى يوم راجعة من التصوير وكان فيها استاذة ممثلة كبيرة الله يرحمها اسمها ثريا إبراهيم ، قالت لى نشوى معنديش عربية توصلينى فى طريقك لاقرب مكان انزل اخد تاكسى".

وتابعت: "قلت لها  تاكسى ازاي حاوصل حضرتك لباب البيت، واحنا ماشيين قالت لى عارفة الشقة اللي حتوصلينى ليها دى مين جابهالى، قلت لها مين ؟؟  قالت لى شيريهان، وحكت لى انها كانت بتشتغل معاها مسرحية شارع محمد على وكانت بتيجى كل يوم من طنطا للقاهرة وترجع تانى لان بيتها كان هناك ولما شريهان عرفت قالت لها شوفى الشقة اللي تحبيها وانا حاشتريهالك ".

وأضافت" ولما اشترتها كانت فرحانة اوى،  ولما هشام عرف بارك لها وقال لها فرشتيها ولا لسه قالت له فرشتها قال لها كان نفسى افرشهالك قالت له وهى بتهزر  طيب ما تعمل حاجة تانية قال لها تحت امرك ".

وأستردفت" قالت له نفسى احج ، تانى يوم لقت شركة سياحة بتكلمها وبلغتها ان هشام دفع كامل التكلفة وكانت خمسين ألف جنيه وكمان وهى رايحة  عطاها مصروف الرحلة وقال لها ادعى لى ،  بس كده ،الف رحمة ونور".