طرح المطرب احمد حليم أحدث أغانيه التى تحمل عنوان «وتلمح » عبر موقع الفيديوهات الشهير "يوتيوب" وذلك على طريقة الفيديو كليب ، وهي من كلمات محمود فاروق ، ألحان مدين ، توزيع وميكس وماستر يحيي يوسف ، وإخراج إسلام حمدان.
وتقول كلماتها الأتى :
وتلمح فى الطريق فرصه تقول هى
وتلمح فى الوشوش ضحكه تقول ليا !
وبين هى وبين ليا تبات راضى وصافى النيه وبالك من الهموم فاضى و ملغيه
وتحدفك الحياة طوبه تفاديها
تتكعبل فى ميت حفرة تعديها
محال تيأس من الدنيا
ماتستسلمش لو ثانيه
هتيجى الفرصه ويكون لك مكان فيها
وياما دموع مداريها كتير حكايات مخبيها
وياما هموم فى وسط اليوم قصاد الباب بترميها
ويوم مغلوب ويوم غالب
.. ولا بتشيل ولا تعاتب .... ولا بتلوم ولا حابب دا اللى فى الناس مكفيها ..
بيجوا كتير عليك وتعدى وتسامح بتفتح فى النهارده وتقفل امبارح
بتيجى كتير على نفسك ومش لاحق تاخد نفسك
ومن قلبك تقول الناس لبعضيها
على قد اللقا على قد ما تفارق ولا عمر اللى باعك كان معاك فارق
بتتعب ياما وتعانى تقع لكن تقوم تانى
جبل احزان وسبحانه عالم بيها.
وكان المطرب أحمد حليم ، قد أطلق مع بداية هذا العام سينجل غنائى يحمل إسم «عاش يا جامد» ، والذى يستعد لتصويره قريبًا ، وهو من كلمات عمرو المصرى وألحان عمرو الشاذلى وتوزيع طارق عبد الجابر.
من جانبه توجه حليم ، بالشكر إلى جمهوره مؤكدًا في تصريحات صحفية على حرصه المستمر بأن يقدم لهم على فترات متقاربة كل ما هو جديد غنائياً وموسيقياً ، سواء فى صورة ألبومات أو أغانى منفردة .
يذكر أن آخر أعمال المطرب أحمد حليم ، أغنية «الناظر» وهى من كلمات مصطفى حسن ، ألحان سامح كريم ، توزيع أحمد عبد السلام وإخراج غاليديا.
https://youtu.be/RPIl8c6Pnow
