طرح الرئيس عبدالفتاح السيسي وجهة نظره في أخبار القبض على أصحاب المصانع غير المرخصة، خلال افتتاحه عددا من المشروعات القومية في الصعيد.
وقال السيسي، خلال كلمته: "كل يوم وزارة الداخلية تطلع بيانات عن القبض على أصحاب مصانع دون ترخيص، لكن ديه ناس حاولت تشتغل حتى لو طريقتها مش مظبوطة، أنا أقنن وضعه بدل القضية".
وأضاف الرئيس: "نقوله احنا مسكناك بتعمل الغلط تعالى نعمل الصح، يعني لو مسكتوا مجموعة مصانع في القاهرة نشوف أقرب منطقة صناعية، ونقولهم تعالوا اتحركوا ليها".
وتابع: "أنا مش بقنن وضعه عشان أخد فلوس أو أستجدي ضرايب، لكن مش عاوزين حد يغلط، مش عاوزين حد ضد القانون، نقوله أنت حاولت لكن ما تعملش الغلط".
وأوضح الرئيس أن هدفه أن الناس تعرف أن الهدف من الحركة هو البناء وليس الحساب، مضيفا أن القضية هو أن الدولة تريدك أن تعمل "وتبقى حاجة حلوة في مصر وهوفر لك كتير".
واستطرد: "من غير وزارة الداخلية ما تقبض عليك، تعالى عندك فرصة وتقدر تدخل السوق وليك زباين، تعالى نشتغل سوى، وأنا مش باصص على الإيجار، عاوزة يا دكتورة نيفين تخفضي الإيجار خفضي".
