طالبت رشا سامي العدل، ابنة الفنانة نادية شكري، الصحفيين، احترام خصوصية الحالة الصحية التي تمر بها والدتها عقب تدهور حالتها الصحية ونقلها للمستشفي.
وقالت رشا عبر حسابها بموقع فيسبوك: “الأخوة والأخوات الصحفيين المحترمين الافاضل، بعد تجربتي الوحشة قوي ايام تعب بابا من كلام عن لساني لم اقوله ومن تعليقات وحشة جدا في حق بابا من ناس ربنا يسامحهم تسببت في ألم ووجع ليا ول اهله و المقربين و لكل إنسان بيحب والدي اتعلمت الأدب ف اه انا ممتنعة عن الرد و طلبت من نقابتي الموقرة عدم الرد عن لساني فيما يخص والدتي الفنانة نادية شكري و هما احترموا ده ف من فضلكم احترموا ده وموبايلي مش طبيعي يرن متواصل لدرجة اني مش عارفة اكلم او ارد علي مكالمات من أهلنا والدكاترة ولما اقفل علي حد يفضل وراء الموبايل رن رن مايفصلش مش مديني فرصة اعمل مكالمة واحدة... يوصل بالبعض محاولة الاتصال ب نمرة والدتي بلا توقف أيضا و إرسال رسائل وهي في الحالة دي مش من الذوقيات نهائي واحتراما لكل الناس انا ماعملتش بلوك ل اي حد لأني عارفة ان فيه بعضهم فعلا عايز يطمئن علي والدتي مش مجرد سبق صحفي”.
واضافت:"اللي بقوله علي حسابي الشخصي في انستجرام او فيسبوك هو اللي هايتقال حتي لو في مكالمة ...
انا طلبت الدعاء ل أمي ربنا يقومها بالسلامة وده كل ما تحتاجه الأن ، قيل وقال مش مسموح بيه اولا واخيرا علشان حالتها هي شخصيا النفسية لا تتضرر مما قد يسبب في تدهور حالتها الشخصية بيتهيألي مش بطلب المستحيل!".
واختتمت: “ماما تم نقلها للمستشفي علشان يكون فيه رعاية احسن لحالتها مش اكتر ارجوكم اكتفوا بالدعاء”.
