كشفت الفنانة بشرى، عن تفاصيل تعرضها للتحرش، موضحة: "اللي مأثرين فى حياتي أوي كانوا خلال 3 مرات، المرة الأولي كنت في الشارع، ومرة كنت بمشي فى ميدان التحرير لما كنت بدرس بيانو، وكان عمري صغير جدا، ونفدت منه".
وقالت الفنانة بشرى، خلال حوارها ببرنامج "واحد من الناس" المذاع عبر فضائية "الحياة"، المرة التانية اللي اتعرض فيها للتحرش كنت بركب مواصلات عامة، وتطاول عليا راجل.. ونزلت بسرعة وانهرت، ومن ساعتها مخلونيش ولا أروح ولا أجي خالص".
وأردفت الفنانة بشري إن المرة الثالثة اللي اتعرض فيها للتحرش كانت فى العمل وحصل تحرش مرة ولا مرتين، ووقفتهم عند حدهم، ومرة حد- بدون ذكر أسماء- مسكته من الكرافاته ورزعته في الحيط علشان تحرش بيا.
