علق الرئيس عبدالفتاح السيسي، على صورة للمباني في القرية وأمامها الحظائر بعد التطوير قائلا: "أرجو في التليفزيون والجرايد يكون في تغطية لما يحدث من تطوير في الريف".
وأضاف الرئيس السيسي، خلال افتتاح عدد من مشروعات الإسكان البديل للمناطق غير الآمنة: "المواطن اللي يعيش هنا في بيت زي ده والحظيرة قدامه بالشكل ده، أولادنا هيطلعوا في مستوى عامل إزاي".
وتابع: "مش عايزين تحلموا ليه، مش عايزين تحلموا لبلادكم ونفسكم ليه، ليه راضين بأي قالب طوب يتبني وخلاص".
واستطرد: "هتقولوا ظروفنا كده، نقدر نغير ظروفنا، لو دخلت قرية فيها 100 بيت، أقدر أخليهم بالشكل ده".
وتساءل: "هتساعدونا عشان نعمل ده ولا إيه، في الدلتا الجديدة وسينا الوضع كله كده، عشان أنا اللي بعملهم وفي تخطيط لحياة متكاملة، مساكن وكل الخدمات متاحة حولها".
واختتم: "لكن احنا بنعالج أوضاع سابقة، وعشان ده يحصل لازم كلنا مع بعض تتضافر جهودنا، مش عازين تحلموا معايا ليه".
