الإثنين 06 ديسمبر 2021
رئيس مجلس الإدارة ورئيس التحرير
عبد الرحيم علي
رئيس التحرير التنفيذي
داليا عبد الرحيم
رئيس مجلس الادارة والتحرير
عبد الرحيم علي
رئيس التحرير التنفيذي
داليا عبد الرحيم

الأخبار

السيسي يتفقد ميناء الإسكندرية البحري ويوجه رسائل للعاملين بالنقل

الرئيس عبد الفتاح
الرئيس عبد الفتاح السيسي
تابع أحدث الأخبار عبر تطبيق google news

تفقد الرئيس عبد الفتاح السيسي، اليوم الثلاثاء، ميناء الإسكندرية البحري ويطلع على عملية التطوير في مرافقه، خاصة المحطة اللوجستية متعددة الأغراض والأرصفة البحرية ومستودعات التخزين الحديثة.

كما تفقد الرئيس السيسي متحف ميناء الإسكندرية البحري، حيث استمع الرئيس السيسي عن نبذة تاريخية عن ميناء الإسكندرية.

كما تفقد الرئيس السيسي جرارات وقطارات السكك الحديدية والمونوريل والقطار الكهربائي.

ووجه الرئيس السيسي، بتعويض أصحاب العقارات التي سيتم إزالتها خلف الميناء الأوسط" ميناء المكس"، قائلا: "لما اتكملنا في موضوع تعويض الناس كويس علشان الظهير الخلفى بتاع الميناء يبقى مؤمن".

وقال الرئيس السيسي، إن الدولة انتهجت سياسة مغايرة عما كان في السابق، فالدولة لها مسار مختلف ونستفيد حاليا من الموقع الجغرافى، مضيفا: "حبيت أقول الكلام ده علشان تعرفوا إنه كان فيه مسار لم يكن سيئا بس محتاجين معدلات عمل أكبر بكثير".

وقال الرئيس السيسي، إن المشروعات التي يتم تنفيذها حاليا تتم من خلال إمكانات الدولة وتمويلها مؤكدا ترحيبه أيضًا بالمستثمرين.

وأشار الرئيس إلى أن تكلفة تطوير الميناء ما بين 25 إلى 30 مليار جنيه على الأكثر.

وقال الرئيس السيسي إن الدولة تضع الشق الأمني في كل أشغالها.

وأضاف الرئيس السيسي: “على مدى سنين طويلة، نتحدث عن مشاريع كبيرة، ونطلب من المستثمرين الدخول للتطوير، ونحن كدولة عندما ندخل سننزع ملكية ونعطي للناس.. ونضع الشق الأمني في كل أشغالنا”.

وقال الرئيس السيسي إن الدولة انتهجت سياسة مغايرة عما كان في السابق فالدولة لها مسار مختلف ونستفيد حاليا من الموقع الجغرافى.

وقال الرئيس السيسي: "حبيت أقول الكلام ده علشان تعرفوا إنه كان فيه مسار لم يكن سيئا بس محتاجين معدلات عمل أكبر بكثير".

وأضاف الرئيس السيسي، أن الهدف من ذلك هو تنمية مصر ووضعها على الخريطة لإظهار قدراتها الحقيقية على البحر الأبيض والمتوسط"، مؤكدا أن الدولة تنفذ المشروعات حاليا من خلال إمكاناتها وتمويلها ونرحب أيضا بالمستثمرين، مشددا على أن مصر باتت تعتمد على التمويل الذاتي في تنفيذ المشروعات الجديدة.

وتابع الرئيس السيسي، أن الهدف من ذلك هو تنمية مصر ووضعها على الخريطة لإظهار قدراتها الحقيقية على البحر الأبيض والمتوسط"، مؤكدا أن الدولة تنفذ المشروعات حاليا من خلال إمكاناتها وتمويلها ونرحب أيضا بالمستثمرين، قائلا: "مصر باتت تعتمد على التمويل الذاتي في تنفيذ المشروعات الجديدة".

كما أكد الرئيس السيسي، عدم السماح بدخول أى بضائع إلا طبقا للمعايير الأوروبية بدءا من مارس 2022.

وقال الرئيس السيسي: "بقول الكلام ده علشان الشركات المعنية تساعد الدولة والحكومة في الإجراءات اللى بنعملها وهى هدفها تسهيل الأعمال وقدر ضخم من الشفافية، فضلا عن دولة بتتكلم زى ما الدول المتقدمة في التجارة بتعمل كده، لأنه النهاردة احنا شغالين فى حاجة اسمها المعايير الأوروبية علشان لن نسمح بدخول أى بضائع إلا طبقا للمعايير الأوروبية".

وأضاف الرئيس السيسي: “مش هنقبل إن حاجة تخش، أى حد يستورد أى حاجة يبيعها للناس تشتغل أسبوع أو شهر وتترمى لا.. إحنا هندخل كل البضائع اللى هتخش البلد طبقا للمعايير زى الدول المحترمة مابتشتغل.. حاجتنا من شركات محترمة علشان الناس اللى في مصر تشترى وهى مطمنة ومش هنسمح لأى مستورد أنه يجيب أى حاجة مش هنوافقله وكام شهر اللى فات كان عبارة عن إجراءات اختبارية، لكن من أكتوبر هنبدأ التجهيز للتطبيق، وبدءا من مارس 2022 سيتم تطبيق المعايير اللى اتفقنا عليها، لكل البضائع اللى تخش مصر طبقا للمعايير الأوروبية، ويبقى ادينا فرصة للمستوردين لما يتعاقدوا على بضائع ومواد هيطبق عليها المعايير اللى بتكلم عليها، ولو مش هانبقى جاهزين في مارس 2022 قولولي”.

وقال الرئيس السيسي: "بقول للمستورد مش هغلبك معايا ومش هيحصل الكلام اللى كان قبل كده.. المنظومة المالية طورناها بالمكينة الكاملة وحجم المليارات التى أنفقت في هذا الأمر، وقلت للدولة منذ 4 سنوات لو تقدروا تعملوا ميكنة لكل الأنشطة علشان نحيد العمل البشرى وإجراءاته، ولو عاوزين 100 مليار جنيه حد يقولى تدفع 100 مليار في ميكنة".

وأضاف الرئيس: المستورد خاطب الشركة، والشركة خاطبت الجمارك، ولو تم الموافقة نحدد الأسعار بتاعها ونسب كبيرة جدا منها حتى لن يتم الكشف عنها مع منظومة الإكس راي، ويبقى فيه انتقاء عشوائى للبعض.. رحت من 5 سنين سنغافورة لقيت الطقم اللى مشغل الميناء 8 أفراد ورايحين لده إن شاء الله.. بنعمل الإجراءات دى علشان نعمل حاجة فيها انضباط وشفافية كبيرة جدا..الخطوة اللى هنخدها قدام لا فيها وقوف ولا رجوع".

وقال الرئيس السيسى: “خلوا بالكم دولة زى مصر فيها 100 مليون حجم العمل فى مصر لو مميكن ميكنة كاملة كتير من الحاجات اللى بتعانوا منها وبتشوفوها مش هاتبقى موجودة، لو فيه فساد عاوزين تواجهوه بجد مش هيتواجه غير بكده إن البشر ميتعاملش غير مع مكن سواء كان المواطن أو الموظف ومفيش اتصال مباشر مع الموضوع.. النظام ده موجود فى العالم مندخلوش عندنا ليه”.


وأضاف الرئيس السيسى: “اديله الموافقة على الشحنة قبل ما تيجى على الميناء، والبضاعة قبل ما تتشحن من البلد المصدر ومش هديله موافقة ومش هتنزل الميناء وده هايبقى إجراء قد تجدوه صعب لكن بنعمل إجراءات الدنيا كلها بتعملها إحنا مش هانبقى عجبة، إحنا بنعمل اللى غيرنا سبقنا فيه، وبنحاول نحصله علشان نسهل على الناس ونضمن إن الحاجات اللى بتخش بلدنا طبقا للمعايير، ولو فيه حاجة فيها مخاطر زى المخدرات، وكل ما هنسيطر على حركة دخول المنافذ بشكل كامل هنقدر نحقق ونشوف زى ما الدول المتقدمة بتعمل”.

وجاءت أبرز رسائل الرئيس السيسي:

-  ننفذ مشاريع تطوير الموانئ المصرية بأنفسنا

- تعويض أصحاب العقارات التي سيتم إزالتها خلف الميناء الأوسط" ميناء المكس والدولة تضع الشق الأمني في كافة أشغالها

-  تكلفة تطوير الميناء ما بين 25 إلى 30 مليار جنيه على الأكثر

- الدولة تقصر المشوار أمام استقبال المستثمرين والمشغلين الأجانب للعمل بالموانئ المصرية.

-  ننتهج مسار مختلف في تطوير المرافق المختلفة يعتمد على الإنجاز ودقة التكلفة

- أعمال تطوير الموانىء تعتمد على الشركات المصرية

- مصر باتت تعتمد على التمويل الذاتي في تنفيذ المشروعات الجديدة

-  الهدف من ذلك هو تنمية مصر ووضعها على الخريطة لإظهار قدراتها الحقيقية على البحر الأبيض والمتوسط

-  عدم السماح بدخول أى بضائع إلا طبقا للمعايير الأوروبية

-  مش هنسمح لأى مستورد أنه يجيب أى حاجة والميكنة تكافح الفساد ودخول المخدرات

-  وجه الرئيس السيسي نصيحة لشباب العاملين بوزارة النقل بعدم التدخين لأنه خطر على الصحة العامة.

-  قال الرئيس السيسي أن شباب مصر حاجة كبيرة أوي.. أنتم أمل مصر.

- طالب الرئيس الشباب بممارسة الرياضة والحفاظ على الصحة العامة كما وعد الرئيس الشباب بالزيارة مرة أخرى.