السبت 01 أكتوبر 2022
رئيس مجلسى الإدارة والتحرير
عبدالرحيم علي
رئيس التحرير
داليا عبدالرحيم
رئيس مجلسي الإدارة والتحرير
عبدالرحيم علي
رئيس التحرير
داليا عبدالرحيم

البوابة ستار

مراد مكرم لياسمين عبدالعزيز: "يا رب مد ايدك و اشفيها"

الفنان مراد مكرم
الفنان مراد مكرم والفنانة ياسمين عبد العزيز
تابع أحدث الأخبار عبر تطبيق google news

طلب الفنان مراد مكرم من جمهوره عبر حسابه على موقع التواصل الاجتماعي "فيس بوك" الدعاء للفنانة ياسمين عبد العزيز التي تتواجد حاليا في العناية المركزة بعد إجراء عملية جراحية.

وقال "مراد": "معرفش مالك ،و مش مهم اعرف ،المهم انك لما تبقي محتاجه دعاء،اطلب من كل الناس الي تعرفك و بتحبك تدعيلك يا جدعه يا طيبه يا فنانه، يا رب مد ايدك و اشفيها و طمن حبايبها عليها".

وتابع "مكرم":" هتخفي و هتبقي زي الفل ايا كان الي فيكي باذن الله.ماحدش يسألني مالها ،معرفش و مش مهم اعرف ،الي اعرفه انها بتعمل عملية صعبه و ده كفايه بالنسبالي اني ادعيلها".

وفي وقت سابق قال أحمد العوضي عبر "فيس بوك" :"يمكن ببان  قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا، انا ضعيف جدا من غيرك انتي لازم تبقي كويسه ولازم تقومي بالسلامه".

وتابع "أحمد":"  انا لاول مره اكتب من غير ما اكون مفكر انا بكتب ايه وهكتب ايه، بس انتي هتقومي ان شاء الله باذن الله عشان انتي وعداني وعد وهتتفذيه، انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف  مره، وانا دلوقتي مش قوي زي ما انتي بتشوفيني انا دلوقتي ضعيف ضعيف جدا، لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك".

واختتم "العوضي" حديثه قائلا:"قومي عشان انا بحبك،  بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا، اكتر بكتير حتي من الموقف اللي احنا فيه دلوقتي، انا بحبك، ادعولها تقوم بالسلامه زي ما انتو دايما بتدعولها بالنجاح والتوفيق هي دلوقتي محتاجه دعواتكم".

من جانبه قال الفنان وائل عبد العزيز شقيق ياسمين عبر حسابه على "فيس بوك":"صباح الخير أنا كل اللي هقدر أقوله دلوقتي ادعوا لياسمين حالتها خطرة".

وطلب عدد من نجوم الفن عن حساباتهم على مواقع التواصل الاجتماعي الدعاء لياسمين عبد العزيز.

منشور مراد مكرم