قالت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، إن هناك شكاوى من ضيق الوقت المخصص للامتحان التجريبي لطلاب الثانوية العامة في الفيزياء والتاريخ والأحياء.
وشهدت صفحة اتحاد أمهات مصر للنهوض بالتعليم، في فيس بوك، تعليقات كثيرة من جانب أولياء الأمور، حيث قالت ولي أمر: "الامتحان كويس بس المشكلة في الوقت، بنتى حلت ٩ أسئلة بس في الفيزيا بالرغم من إن الامتحان معقول لأن مافيش وقت".
وأضافت ولي أمر: "أسئلة الفيزيا فيها أفكار جديدة بس تتحل، المشكلة كانت في الوقت، الامتحان ٣٠ سؤال هو وصل للسؤال الـ١٥ بس والوقت انتهى"، وتابعت أخرى: "هل يعقل ٣٠ سؤال فيزيا في ٣٠ دقيقة؟، ابني جاوب على ١٠ أسئلة فقط، يعني يوم ما نكون عارفين نجاوب ميكونش فيه وقت الرحمة من عندك يارب".
وذكرت ولي أمر أخرى: "أنا بالنسبة ليا عندى اتنين توأم، بتاع العلمى ما لحقش يحل غير 12 سؤال في الفيزيا على ما الامتحان فتح، والتانى الأدبى امتحان التاريخ ما فتحش أصلا والميس اللى حاولت تحل معاه المشكلة تقوله إنت مش متسجل أصلا عند الوزارة على برنامج التنويهات، ازاى يعنى وهو ممتحن عربى وإنجليزي وإيطالى؟". وقالت أخرى: "الوقت قليل أوي على الامتحان في مادة التاريخ"، وأضافت أخرى: "دلوقتى البنات خرجوا من الأحياء نفس الكلام الوقت طبعا قليل جدا في نص ساعة".
