رئيس مجلس الإدارة ورئيس التحرير
عبد الرحيم علي
اغلاق | Close

"قرار فتح الحضانات" يثير الجدل على صفحة اتحاد أمهات مصر

الثلاثاء 05/يناير/2021 - 04:05 م
البوابة نيوز
نرمين سليمان
طباعة
طرحت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، قرار وزارة التضامن باستمرار العمل بالحضانات وتقليل الكثافة لـ50% والغلق حال زيادة إصابات كورونا، للنقاش بين الأمهات لمعرفة آرائهن وتعليقهن عليه.
وتفاعل أولياء الأمور من الأمهات على صفحة اتحاد أمهات مصر للنهوض بالتعليم، في فيس بوك، حيث قالت ولي أمر: "مينفعش يا جماعه لازم تتقفل على الأقل في الشهرين دول في أطفال كتير جالهم ومعني أنهم ينزلوا يعني الفيروس هينتشر أكتر".
وأضافت ولي أمر: "الحقيقة فتح الحضانات في الظروف دي مخاطره كبيره جدا، الأطفال أكثر عرضه للعدوي في الموجه الثانيه ده غير أنهم لا يستطيعوا تطبيق الإجراءات الإحترازية، نرجوا غلق الحضانات ولو حتى فتره ذروه تفشي الفيروس"، بينما قالت أخري: "هو للأسف القرار ده اضطرارى علشان الأمهات العاملات وإلا لن يجدوا موظفات في أماكنهم، لا بد من وجود تقسيم قوه العمل داخل المصالح وأولويات الأجازه للمرأة العامله الحاضنه".
وذكرت ولي أمر أخرى: "أعتقد أن القرار ده هيكون في مصلحة الأم العاملة اللى لازم نراعى ظروفها وأنها مضطره تنزل ابنها الحضانه، يبقى لازم على الأم أنها تتأكد من إن الحضانه عاملة الإجراءات الوقائية المطلوبة وتكون مطمنة على أولادها، يعنى القرار بإيد الأم، وربنا معانا كلنا".
واستكملت أخرى: "معلش أنا كأم ميهمنيش غير صحة ابنى أو بنتى وميهمنيش ساعتها الشغل مع كل احترامى، ربنا كريم"، فردت عليها أخري: "يجب الأخذ في الاعتبار المرأة العاملة اللى مضطرة تقعد في البيت عشان أولادها"، وأضافت أخري: "الآولي الحضانات تغلق حفاظا على صحة الأطفال، أنا قعدت بنتي من الحضانه يعني أخواتها الكبار كلهم قعدين في البيت وأجي أنزل طفله الحضانه".
"لاء طبعا حرام دى أطفال ومناعتهم ضعيفة جدا وميستحملوش، اذا كان الكبار مش بتستحمل أى دور برد حاليا وبيقلب كورونا، ما بالك بقى الأطفال اللى بيكحوا في وش بعض وبيلعبوا مع بعض طبعا غير مقبول"، تستكمل ولي أمر أخرى: "أرجو من وزارة التضامن التراجع عن هذا القرار، صحة الأطفال مهمه، حتى لو تم تقليل الكثافه دا بردو هيساعد على انتشار العدوى".
"
هل يحد تغليظ العقوبة على السائقين المخالفين من حوادث الطرق؟

هل يحد تغليظ العقوبة على السائقين المخالفين من حوادث الطرق؟