نفى أيمن فتحي مدير عام في قطاع المتخصصة والصديق المقرب للإذاعية الكبيرة إيناس جوهر ما تردد حول إصابتها بفيروس كورونا عقب تعرضها أول أمس الخميس لأزمة صحية نقلت على إثرها إلى المستشفى.
وكتب فتحى عبر صفحته الرسمية على موقع التواصل الاجتماعي فيس بوك رسالة من الإذاعية الكبيرة إيناس جوهر وجهت فيها الشكر لكل من حاول الاطمئنان عليها مشيرا إلى أنها تتواجد في العناية المركزة وحالتها في تحسن وسوف تنقل قريبا لغرفة عادية حيث تعانى من آلام شديدة في الظهر نتيجة التواء في العمود الفقري.
وطالب فتحى في رسالته توخى الحذر في الأخبار التى تتعلق بالإذاعية القديرة إيناس جوهر وعلق قائلا الزملاء والزميلات حبايب مدام إيناس جوهر هى الحمد لله النهارده أحسن كتيررررررر وفرحانة جدا لاهتمامكم وسؤالكم عليها وعلى فكرة الزيارة لمدة ساعة واحدة من الساعة 1 ظهرا للساعة 2 ظهرا وفي أيضا موعد بعد الظهر وتقريبا من الساعة 4 للساعة 5 بس مش متأكد من الموعد ده غير كده ماحدش هيعرف يدخل.
وعايز أقول للزملاء والزميلات المحترمين والمحترمات اللى ماعندهمش أدنى مسئولية وبيرددوا وبيكتبوا أن عندها( كورونا ) هاتوا ورقة واحدة من التحاليل والأشعات اللى اتعملت تثبت ده عيب عليكم تفتروا وتفتوا في حاجة مش موجودة والحمد لله والبديهى النهاردة لأى مريض بيدخل مستشفى بيتعملوا اولا التحاليل والأشعات اللى تثبت إصابته أو من عدمه وأظن لو ده موجود مش هيسمحوا بأى زيارة ليها مش كده ولا ايه مش هاديكم أكبر من حجمكم وفي نفس الوقت أحيى الزملاء والزميلات المحترمين والمحترمات من الصحفيين والصحفيات اللى ماكتبوش إلا من مصادر موثوق منها وحتى أخروا نزول أخبارهم لحد ما تم التواصل معايا أو أخدوا أخبارهم من الصفحة وبدليل آخر لو سألوا الدكتور المعالج مش هيقولهم أكتر من اللى حاصل واللى أنا قولته وأنا بأقول ده لأن الست دى ليها أفضال كتيرررررر على ناس كتيررررر وأولهم أنا وليا الشرف وربنا يطمنا عليكى يامدام إيناس بإذن الله.
