يعانى من ألم المرض ليرقد على سريره عاجزًا عن الحركة، ولا يستطيع مساعدة نفسه بعد أن تخلى عنه أبناؤه؛ ليتركوه وحيدًا يصارع المرض دون أن يلتفتوا إليه أو يقدموا له المساعدة، بعدما نزع الله من قلوبهم الرحمة، لتلتقى "البوابة نيوز" مع "بخيت" الذى يبلغ من العمر ٧٠ عاما، والذى ويقول: "عندى جلطة في المخ، وعامل عملية في عينى وعيالى كلهم سابونى، ولا حد فيهم بيسأل عليا، جيرانى ربنا يجازيهم خير كانوا خير من أولادى وهما اللى بيساعدونى، مرة يشترولى الدواء، ومرة يجبولى أكل".
ويستكمل كلامه: "مش عارف أجيب منين فلوس أتعالج بيها، وكل يوم عايز مصاريف أكتر، ومفيش حد بيجيلى أو يسأل فيا من أسرتى، وسايبينى وحدى ومعاشى ٣٠٠ جنيه وعلاجى بـ٩٠٠ جنيه، وماليش أى مصدر رزق، لأنى كنت شغال أرزقى على الله وبسبب المرض مش قادر أشتغل"
ووجه رسالة لأبنائه: "ياريت عيالى يقرؤها ويشوفوها، أنا كنت بصحى الفجر في عز الشتاء والبرد عشان متتحوجوش لحد، عشان أتكفل بتعليمكم وأصرف عليكم، دلوقتى مفيش حد فيكم فاكر كل دا".
واختتم كلامه: "كل ما أتمناه أن يتحمل فاعل خير نفقات علاجى بدلا عن عيالى الذين تخلوا عنى".
للتواصل مع الحالة: ٠١١١٢٥٧٨٩٨٧
