أكد الرئيس عبدالفتاح السيسى، تعطل الكثير من المشروعات وخروجها من الخدمة نتيجة عدم الاستقرار.
وأضاف: "مشاريع كتير وقفت فى الدولة بسبب عدم الاستقرار.. وتعرضت للانهيار أو تعرضت لخسائر كبيرة.. واتخصمت من الناتج المحلى من الدولة.. وبقى أصحابها فى مديونية.. ونحاول نحل المسألة دى.. وفرنا 100 مليار جنيه .. من أجل تعويض أصحاب المشروعات".
وقال الرئيس: "بقول تانى لكل المصريين والإعلاميين والمثقفين والبرلمان الحالى والبرلمان القادم.. ومجلس الشيوخ.. كل حاجة مبنية على الاستقرار والأمن.. عملت الأمن والاستقرار هيجبلك المستثمرين.. البلد دى مستقرة ونقدر نحط فيها مشاريع.. ولو مفيش استقرار منقدرشى.. وتقدر عجلة الاستثمار لعشرات السنين وتتطور الدولة".
وتابع: "الناس محدش يقدر يخدعهم بالكلام.. واحنا ماشيين فى مسار إصلاح.. والناس تتفهم ده وتتحمل التكلفة" متابعا: "بفضل الله الناس بتتكلم عن مصر بسم الله ما شاء الله".. ورغم اللى بيحصل فى العالم فى ظل توقف حركة السياحة.. وتأثر حركة التجارة الدولية.. مصر فضلت بخير علشان ربنا.. وبخير علشان شعبها تحمل.. وطول فما فيه استقرار هنفضل نعمل كده".
ووصل الرئيس عبدالفتاح السيسي، صباح اليوم الأحد، إلى مقر افتتاح عدد من المشروعات القومية، أبرزها مجمع التكسير الهيدروجينى فى مسطرد بمحافظة القليوبية.
