رئيس مجلس الإدارة ورئيس التحرير
عبد الرحيم علي
رئيس التحرير التنفيذي
داليا عبد الرحيم

إبداع| "لو تعدوا".. قصيدة لعبدالرحمن حمد

الأحد 13/سبتمبر/2020 - 07:43 م
البوابة نيوز
طباعة
قولنا وحوي
لينا لغوه وليكوا نحوي
والحوار محور حوادث
سبت سجع مالهوش معنى
صب فيا الشعر لعنه
صاب حروف الضاد هواجس
والزجل وجهله طعنه

إحنا أول ناس ركبنا
الرياح والموج رفعنا
كل بحر فيه قطعنا
الهوا بفردة شراعنا

كل مالك غره ملكه
شافنا نملك كون فطعنا
إحنا شوفنا إن شوفنا
أعلى دايماً من ظروفنا
والتفاخر بالهويه من طباعنا

وإتمرعنا
لما العلم جه بتكه 
من صباعنا
توهنا روحنا بروحنا ليه
أما إتلطعنا
وإعترفنا أما إطلعنا

مين بيحمي الشرق وحده
حد شاف أمجاد مجدو
إبن رع مالهوش منافس
والشاسو مش أد وعده

كلهم ليهم لغات
والنتر كان 
ليها مدو
قولنا سبعه
لجل عين الحاسدين
بس عمر 
الدلتا أقدم 

لو تعدوا
حبة حبة بتتسحب
اول ما جت
كان وقت ضيق اتشد ليها وانجذب محتاج صديق كل لحظة بتتحسب
ترسم طريق ترسم محبة وخير وود 

كنتي بحر مفروش بورد 
رحت جاري ع الغريق ليها بدمن بالبطيئ شفت قلبي دق خايف شفت قلبك كان جريئ شفت السعادة وعزها وأيام جميلة زيها تشبه لها الود طال مع قلبها قلبي كمان أصبح جريئ لما تغيب أنده لها وحبة حبة بتربط وحبة لازم تتظبط كلامنا كله زعيق مفيش محبة ولا اشتياق من كل لون من كل راق ذاد الخناق الخلق ضاق اخر الطريق طريق رجوع
لكنه ضيق

الكلمات المفتاحية

"
برأيك.. من سيفوز بدوري أبطال أفريقيا؟

برأيك.. من سيفوز بدوري أبطال أفريقيا؟