رئيس مجلس الإدارة ورئيس التحرير
عبد الرحيم علي
رئيس التحرير التنفيذي
داليا عبد الرحيم

رسائل قوية وتحذيرية من السيسي لمكافحة مخالفات البناء والقنوات الإرهابية

السبت 29/أغسطس/2020 - 12:48 م
البوابة نيوز
سحر ابراهيم
طباعة
أكد الرئيس عبدالفتاح السيسي أن مخالفات البناء تحد خطير تواجهه الدولة المصرية، مضيفا: "صدقوني البناء غير المخطط خطير جدا مش عاوز أقول بنفس النسبة لموضوع سد النهضة.. واللي واضح لينا موضوع الميه واللى مش واضح لينا هو التعدي على الأراضي الزراعية.. بدل ما تبنى في الأرض الزراعية فيه ظهير صحراوي، علشان ثقافة ولادنا يبقوا معانا ستدمر كثير من قدراتنا.. هو فيه حد ماشي بعربيته نقوله ادفع المخالفة بيبقا مبسوط لا بيبقا زعلان".
وقال الرئيس السيسى: "الموضوع ده مش مسؤولية الحكومة والرئيس بس دي مسؤوليتنا كلنا إن إحنا نحافظ على بلدنا وننظم هذا الملف لأن الملايين بيتأثروا".
وأضاف الرئيس "أن الموضوع شائك وأي حد تاني يقول متدخلش في الكلام ده وسيب الاعلام يتكلم فيه، لا هتكلم في كل مصلحة ولن أبيع الوهم للناس تحت اعتبارات السياسة والحفاظ على الشعبية.. وعملنا كده في الاقتصاد وهو ده الرصيد اللي عدينا بيه.. أي عمل صالح حتى لو الناس مش راضية عنه أنا هعمله".
وتابع الرئيس: "أنتوا هتتألموا منه أنتوا مش عاوزين تساعدونى ليه ومصرين على مواقفكم بتحلموا ببلد كويسة ومنظمة ومترتبة وزى الفل، ولا كل واحد عاوز يعمل اللى هو عاوزه.. بنجيب مبنى يتزال في التليفزيون حد بيتكلم عن شكل أعمق وأكبر ومدى التأثير الخطير على مصر نتيجة هذا التجاوز لكن مش بنهد مبنى وخلاص.. خاطب عقل الناس والناس من حقها تفهم أمنها ومستقبل أولادها".
وأكد الرئيس عبدالفتاح السيسي أن محور المحمودية سيعطي حرية حركة بالإسكندرية مضيفا: دائما سنجد من يشككون في المشروعات التي ننفذها، مضيفا: "فيه ناس بتتكلم بشكل سلبي عن الإجراء، كان فيه 30 مسجدا وتعديات أخرى ويقولوا بيهدوا مساجد ربنا، والله لا يرضي ربنا سبحانه وتعالى بس هما ميعرفهوش.. ويقولوا بيهدوا جوامع ربنا، شوف المصريين، إحنا، استغفر الله العظيم".
وقال الرئيس السيسى: "يا رب تبقوا زينا في إن انتوا تعملوا حساب ربنا أنتوا بتخربوا الشعوب وتدمروها وتدمروا الأمم وتضيعوها، جايين تتكلموا علينا لما بنبنى ونعمر هو ده المنظر اللى كنا بنتعاير بيه ويقول شوف المصريين وشوف فقرهم وخيبتهم عاملة إزاي".
وتابع الرئيس ا"حنا بنفتتح وسعداء والبحيرة فيها 77 جامع مخالف على حرم الترعة، اللى عاوز يبنى حاجة لربنا يسرق أرضه؟، دى سرقة".
ووجه الرئيس محافظ البحيرة لتدشين محاور على كل ضفة وإنشاء مساجد بديلة بنفس النمط، قائلا: "بشكرك وأنا معاك والدولة معاك نعمل 4 محاور على كل ضفة ونعمل المساجد بنفس النمط ومساكن لأهلنا اللى اتعدوا لكن إحنا بنحاسب نفسنا التجاوز اللى تم إحنا ندفع تمنه مش الناس".
وأكد الرئيس عبد الفتاح السيسي أن الدولة لم تتخذ إجراءات حادة لمواجهة مخالفات البناء دون سابق إنذار.
وقال مخدناش إجراء حاد في مخالفات البناء بدون إنذار احنا قايلين الكلام ده من 3 سنين وادينا مهلة لنفسنا 6 شهور، وقلنا التصالح وكلام من هذا القبيل.
وأضاف الرئيس حجم الناتج اللي اتعمل خلال الفترة السابقة 10 % أو أقل، وحصل تعدي خلال نفس الفترة أو يتجاوزهم".
وقال الرئيس السيسي إن هناك حملات تشكيك في كل المشروعات التي تقوم بها الدولة.
وقال الرئيس في كل مشروعاتنا اللى بنعملها هتجدوا تشكيك وتجدوا ناس بتتكلم بشكل سلبي على اللي احنا بنعمله، ولكن الهدف من هذه المشاريع هي المصلحة للكل، والقنوات المسيئة اللى عاوزة دايما تكلمكم كلام لا يرضى ربنا".
وأشاد الرئيس السيسي بجهد وزير التموين خلال السنوات الماضية، قائلا: "خلال الفترة الماضية لم يحدث أى نقص في أى سلع أساسية رغم تحدي أزمة كورونا كان طبيعى أن إحنا نتعرض لأزمة زى كده.. جهد وزارة التموين والدكتور على خلال الفترة الماضية مفيش أي نقص في السلع الأساسية حصل او اختناق او شكل من تسعير غير دقيق أو تلاعب في الأسواق".
وقال الرئيس السيسي إن المواطنين متألمون من إجراءات الدولة لضبط مخالفات البناء، مضيفا "المواطنون كتير منهم متألم ومضايق من موضوع إجراءات الدولة لضبط مخالفات البناء سواء الأراضى الزراعية أو بدون ترخيص".
وأردف الرئيس: "محدش بيتكلم في الموضوع ده كويس، ملهومش دعوة بيه، علشان محدش يزعل، وانا مش طبيعتي معاكم كده يا مصريين، إحنا قدامنا تحدي وطلعت قدامكم وقلتلكم التحدي ده خطير علينا والاستمرار عليه يدمر الدولة المصرية".
وأوضح الرئيس، قائلا: "كنتوا بتتكلموا وخايفين من موضوع سد النهضة، وصدقوني البناء غير المخطط والتعدي على الأراضى الزراعية خطير مش عاوز أقول بنفس نسبة سد النهضة، بس الناس مش شايفاه، والواضح لينا موضوع المية، واللى مش واضح لينا الاستمرار في التعدي على الأراضي الزراعية والبناء غير المخطط".
وتطرق الرئيس السيسي للكلام المثار حول حجم الدين العام والخارجي، وقال: الاقتراض بأرقام ميسرة إلى حد كبير، لأن فيه كلام كتير بيتقال على الدين العام والخارجي وبالتالي محتاجين أننا نوضح للناس إن إحنا منقدرش نتوقف عن ده، مع الوضع في الاعتبار نقطة مهمة وهى إن قياسات الدين وإن كانت عالية ولكن جهدنا كدولة في ضبط هذا الدين وزيادة حجم الناتج القومي هيخليه داخل الحدود الآمنة".
وأضاف الرئيس انتبهوا لتاثيرات كورونا على الدنيا كلها، ولو كانت الأمور مشيت طبقا للتخطيط حتى للدين". 
وواصل الرئيس موجها حديثه لوزير المالية الدكتور محمد محمد معيط: "أتكلم في النقطة دي بتاع الدين لأن فيه كلام مش عاوزين نسيب الناس في مصر بيأثر سلبا على فهمهم.. إحنا يا نبنى بلد يا نتوقف".
وأكد الرئيس عبد السيسي أن الفارق بين الإسكندرية الآن والعشرينات من القرن الماضي كبير ولكن ليس إيجابيا.
وقال الرئيس السيسي: غابت الدولة.. وما ينفعش تغيب تانى.. يبقى تأجيل 100 سنة.
وتابع الرئيس السيسي "لو عاوزني مش موجود هنا ما بقاش موجود.. أنا موجود يبقي الإصلاح".
ويفتتح الرئيس عبد الفتاح السيسي اليوم مجموعة من المشروعات القومية بنطاق محافظة الاسكندرية، منها مشروعات خاصة بقطاع البترول، وكذلك مشروع بشاير الخير ٢ للإسكان، ومحطة معالجة الصرف الثلاثية ببرج العرب، ومشروع تطوير محور المحمودية
ويحضر الافتتاحات الدكتور على عبد العال رئيس مجلس النواب والدكتور مصطفي مدبولي رئيس مجلس الوزراء وعددا من الوزراء والقيادات العسكرية.
"
مع زيادة عدد الإصابة بفيروس كورونا عالميا.. هل توافق على عودة الإجراءات الاحترازية؟

مع زيادة عدد الإصابة بفيروس كورونا عالميا.. هل توافق على عودة الإجراءات الاحترازية؟