انتقدت الفنانة ريهام حجاج، ردود أفعال المصريين على خيانة زوجة الفنان الأمريكي ويل سميث له، وتقبله للأمر.
وقال "حجاج" عبر حسابها الرسمي بموقع التواصل الاجتماعي "فيس بوك": "احنا الشعب الوحيد في العالم اللي دخل على صور will smith وشتمه أقذر الشتائم هو ومراته وعيلته، اللي دخل شتم مراته واللي اتهمه أنه رافع اريال، وبغض النظر ايه اللي اتكتب احنا الشعب الوحيد اللي دخل يكتب تعليقات، مافيش بجد أي شعب تاني لا صيني ولا هندي ولا حتى في الشعوب العربية، دا إن دل على شيء فيدل على الآتي: (مش الكل طبعا عشان في ناس محترمة بس أغلبية اللي بيستخدم السوشيال ميديا للأسف):
١- أكتر ناس شتامين ونمامين ومتنمرين (مع إننا مفروض متدينين، معرفش إزاي).
٢- خلصنا أمراضنا النفسية والحشرية على نفسنا وكشفنا أرف بعض فقلنا نكشف نفسنا للعالم بقا.
٣- احنا الشعب الوحيد اللي تفاني في سوء استخدام السوشيال ميديا والحمد لله دا كان الإنجاز الوحيد اللي حققناه منها.
٤- هو مش مفروض نحشر نفسنا ونحكم على حياة حد في العموم، فمنتهى الفجر والقدر الحكم على حياة حد لا هو من بلدك ولا ثقافتك ولا تفكيرك ولا تربيتك.
وأضافت: "يعني مش بس مش قادرين نحترم اختلاف بعض، لاء مش عارفين نحترم اختلاف الثقافات الأخرى، احنا عدينا البراميل بلا راجعة".
