قال الطفل كريم أحمد، الذي ألقى قصيدة "عاشقين ترابك يا مصر" أمام الرئيس عبد الفتاح السيسي خلال جولته التفقدية بالمرحلة الثالثة بمشروع مدينة الأسمرات، إنه لديه من العمر 6 سنوات، ويعيش في حي الأسمرات منذ عامين، وكان يعيش قبل ذلك في إسطبل عنتر بمصر القديمة، متابعًا: "الأسمرات طبعًا أحسن من مكاننا القديم، لأنها نضيفة وحلوة وفيها ملاهي وملاعب وكل حاجة".
أضاف الطفل كريم، خلال مداخلة هاتفية ببرنامج "90 دقيقة" عبر فضائية "المحور"، "ماما وبابا هما اللي حفظوني القصيدة، وأنا كنت عايز أحفظها عشان أقولها قدام الرئيس السيسي، وأنا ماخوفتش وكنت ثابت مكاني قدام الريس، هو حد يخاف وهو واقف قدام باباه؟ الرئيس زي بابا، وبقوله شكرا يا سيادة الرئيس على المجهود اللي بتعمله معانا، وشكرا إنك حميت مصر، وأنا بتمنى إن أفضل دايمًا في حي الأسمرات".
بينما قال والد الطفل كريم: "بالرغم من إني سبت بيتي اللي عشت فيه سنين، إلا أن المكان في الأسمرات أنضف وأأمن وأحسن، في فرق كبير بين المنطقة هنا والمنطقة اللي كنا عايشين فيها، وبقول لأي حد يكون قدامه الفرصة إنه يسيب العشوائيات ويروح مكان أفضل يختار المكان الأفضل عشان أولاده، وبوجه الشكر للرئيس السيسي".
