تضامن الفنان رامى جمال مع لاعب النادي الأهلي عمرو السوليه بعد هجمة التنمر التي تعرضت لها ابنته البالغة من العمر ٣ سنوات عبر مواقع التواصل الاجتماعي، بعد نشره صورة تجمعه بها.
وغرد رامي جمال عبر حسابه الرسمي بموقع التغريدات تويتر قائلا للسولية: "بص حبيبى.. أنا شايف إنك تحبس اللى كتبوا كده، ده أبسط حقوقك ويبقى درس مهم للى أهله معرفوش يربوه يربيه القانون، لأن فيه ناس الكيبورد مقوى قلبها، ولما هيتجاب هتشوف قطة.. اسألنى أنا، وأنا هقولك تروح فين ينجزك".
ورد عمرو السولية على تعليقات عدد من متابعيه بموقع إنستجرام زعموا أن ملابس ابنته ليلى التى تبلغ من العمر 3 سنوات ونصف غير محترمة، موضحا أنه سيتقدم ببلاغات ضدهم.
وكتب السولية، عبر حسابه بموقع إنستجرام، "ليلى بنتي عندها 3 سنين ونص (لسه قالعة البامبرز من كام شهر) الكلام ده بيتقال على طفلة!! ايه اللي يخلى (بني آدم) خنزير ممكن يبص على لبس طفلة ويركز غير أنه فعلًا خنزير؟! ايه المرض ده!".
